Нийслэлийн Гэр бүл, хүүхэд, залуучуудын хөгжлийн газар, Монголын эрэгтэйчүүдийн хөгжлийн нийгэмлэгээс Архины зохистой хэрэглээг бий болгох саналын агуулга, Монгол Улсын гурван бүсэд албадан эмчилгээний төв барих талаар мэдээлж байна.
МЭХН-ийн ерөнхийлөгч Ц.Цогтсугар: ДЭМБ-аас нэг хүнд ногдох архины хэрэглээ 9 литрт хүрвэл аюул учирсан улс орон гэж үздэг. Гэтэл Монголд нэг хүнд 28-аас дээш литр оногдож байна.
Эрчүүдийн дундаж наслалт эмэгтэйчүүдийнхээс 9.7-гоор бага байгаад бид санаа зовж байна. Бид лонхонд байгаа архитай тэмцдэг байгууллага биш. Бид энэ салбарт 20 жил ажилласан, судалгаатай бодлоготой газар. Хүнээр илэрхийлэгдсэн үр дүнгийн төлөө бид байнгын үйл ажиллагаа явуулдаг.
Төр бидэнтэй хамтарч ажиллахгүй байгаад эмзэглэл төрж байна. Боломж нь байвал бид Төрийн ордонд архинаас гарсан 1000 залуусын чуулган хийхэд ч бэлэн байна. Энэ их мэдлэг, туршлагаа төрийн бодлогод оруулмаар байна. Архидан согтуурахтай тэмцэх хуулийн хэд хэдэн заалт эмзэг сонсогдож байна. Судалгаанд үндэслэж яръя.
Архинаас гаргадаг эм, бэлдмэл энэ дэлхийд байхгүй. Архинд донтох нь зан үйлийн эмгэг. Бидэнд архинаас гаргах төвийг байгуулаад өгөөч. Дэлхийд тархи судалж байхад бид лонхтой архиа судалж байна.
Архинаас гаргах гурван төв байгуулах нь багадаж байна. Дөрөв байвал зохилтой. Энэ нь Оюун санааны төв байвал бид үйл ажиллагааг нь аваад явъя. Судалгаа, онолд тулгуурлаад ажиллавал илүү үр дүнтэй байх юм.
Архины хэрэглээгүй залуу үеийг би болгохыг бид хүсэж байна. Архидан согтуурахтай тэмцэх хуульд албадан эмчилгээнд явуулахдаа эхнэрээр нь өргөдөл гаргуулан шийдвэрлэж гэр бүлийн итгэлцэл, халуун дулаан, дотно холбоог тасалж, төрийн нэрийн өмнөөс шийдвэрлэж чадахгүй сул дорой заалт хэлэлцэж байгааг өөрчлөх саналтай байна.
+ There are no comments
Add yours