Шатахуун тээвэрлэгч автомашины саванд цэвэрлэгээ хийж байгаад ухаан алдсан гурван хүнийг эмнэлэгт хүргэсэн бөгөөд золоор хүний амь нас эрсдээгүй байна.
Тодруулбал, Нийслэлийн Сонгинохайрхан дүүргийн 33 дугаар хорооны “Задгай”-д шатахуун тээвэрлэгч автомашины шатахууны саванд гурван хүн цэвэрлэгээ хийж байгаад ухаан алдсан тухай дуудлага өчигдөр ОБЕГ-т 17:21 цагт иржээ.
Нийслэлийн Аврах ангийн алба хаагчид 18:02 цагт очиход “Өсөх трейд” ХХК-ийн “Норд бенз” загварын шатахуун тээвэрлэгч автомашины 60 тонны багтаамжтай шатахууны савыг цэвэрлэж байсан нийслэлийн Сонгинохайрхан дүүргийн харьяат иргэн Б /34 настай, эрэгтэй/, Баянгол дүүргийн харьяат иргэн А /33 настай, эрэгтэй/, Баянзүрх дүүргийн харьяат иргэн П /27 настай, эрэгтэй/ нар ухаан алдсан байсныг эсэн мэнд гаргаж НЯТТТ-д шилжүүлэн өгчээ.
+ There are no comments
Add yours