Монгол бахархлын өдрөөр “Чингис хаан” одон гардуулахгүй гэв

Маргаш Чингис хааны мэндэлсний 859 жилийн ой Монгол бахархлын өдөр өдөр тохиож буй.

Монгол бахархлын өдрөөр Төрийн дээд шагнал “Чингис хаан” одон гардуулдаг уламжлалтай. Өнгөрсөн энэ жил уг шагналыг олгохгүй өнжсөн бол энэ жил ч гэсэн өнжихөөр болсон байна. Харин Төрийн далбаа мандуулж, их эзэн Чингис хааны хөшөөнд хүндэтгэл үзүүлэх аж.

Монгол бахархлын өдрөөр зохион байгуулах ёслол хүндэтгэлийн арга хэмжээнээс танилцуулбал

09.00 цагт Төрийн далбаа мандуулах
10.00 цагт Төрийн туг цэнгүүлэх
11.40 цагт Их эзэн Чингис хааны хөшөөнд хүндэтгэл үзүүлэх ёслол болно.
“Чингис хаан” одонг хүртсэн эрхэм төрөөс ямар урамшуулал авдаг вэ?
Монгол Улсын төрийн дээд шагнал-тэргүүн зэргийн “Чингис хаан” одонг их эзэн Чингис хааны мэндэлсний ой, “Монгол бахархлын өдөр” буюу жил бүрийн өвлийн тэргүүн сарын шинийн 1-нд төр, нийгэм, үндэстний өмнө онцгой гавьяа байгуулсан нэг иргэнийг сонгон шагнадаг уламжлал 2005 оноос тогтоод буй.

Энэ жилийн тус өдөр маргааш тохиох тул иргэд хэн хүртэх бол, ямар урамшуулал авдаг бол хэмээн сошиалаар тун их сонирхож байна.

Иймд “Чингис хаан” одон хүртсэн эрхэмд төрөөс ямар урамшуулал авдаг талаар сонирхуулья.

Одон хүртэгч Монгол улсын иргэнд тухайн үеийн ханшаар есөн цэн алттай тэнцэх хэмжээний мөнгөн шагнал, гадаадын иргэнд мөн тухайн үеийн ханшаар есөн цэн алттай тэнцэх хэмжээний мөнгөн шагнал эсвэл түүнтэй дүйцэх дурсгалын зүйлийг олгодог байна. “Чингис хаан” одонгоор шагнагдсан Монгол Улсын иргэн “Чингис хаан” одонг гардуулах ёслолын ажиллагаа, Үндэсний их баяр наадам, Үндсэн хуулийн өдөр, Цагаан сарын баярыг тохиолдуулан зохион байгуулах төрийн ёслолын арга хэмжээнд уригддаг. “Чингис хаан” одонгоор шагнагдсан Монгол Улсын иргэнд Их Эзэн Чингис хааны өдөр буюу Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1-ний өдөр Монгол Улсын Ерөнхийлөгчийн гарын бэлэг өгнө. “Чингис хаан” одонгоор шагнагдсан Монгол Улсын иргэн нь Монгол Улсын Ерөнхийлөгчийн гадаад улсад хийх албан ёсны айлчлалын бүрэлдэхүүнд багтах эрхтэй гэж “Чингис хаан” одонд нэр дэвшүүлэх, шагнах журамд заажээ.

Чингис хаан одонг 2005 оноос хойш 2021 оны хооронд дараах 14 Монгол Улсын хүндэт эрхэм гардаад байна.

2005 онд Монгол Улсын анхны Ерөнхийлөгч Пунсалмаагийн Очирбат

2006 онд Төрийн шагналт хөгжмийн зохиолч Бямбасүрэнгийн Шарав

2009 онд Монгол Улсын Ерөнхий сайд асан Дашийн Бямбасүрэн

2010 онд Төр, нийгмийн зүтгэлтэн Раднаасүмбэрэлийн Гончигдорж

2011 онд Монгол Улсын Ерөнхийлөгч асан Нацагийн Багабанди

2012 онд УИХ-ын гишүүн асан Дамдины Дэмбэрэл

2013 онд Монгол Улсын Ерөнхий сайд асан Думаагийн Содном

2014 онд нэрт эрдэмтэн, физикч Хавтгайн Намсрай

2015 онд Монгол Улсын Соёлын гавьяат зүтгэлтэн, нэрт зохиолч, яруу найрагч Гомбожавын Мэнд-Ооёо

2016 онд Монгол Улсын гавьяат жүжигчин, дуурийн дуулаач Ганбаатарын Ариунбаатар

2017 онд Монгол Улсын гавьяат тамирчин, Монгол улсын хөдөлмөрийн баатар олимпын аварга Найдангийн Түвшинбаяр

2019 онд Монгол үндэстний хөгжмийг рок дуугаралттай хослуулсан Монгол рок буюу Хүннү рок урсгалаар тоглодог Хү хамтлаг

2021 онд Монгол улсаас сансарт ниссэн цорын ганц, дэлхийн 101 дэх, Азийн хоёр дахь сансрын нисгэгч бөгөөд нислэгийн инженер, хошууч генерал Жүгдэрдэмидийн Гүррагчаа

2021 онд Монгол Улсын Зэвсэгт Хүчин