Монгол Улсын хэмжээнд сүүлийн 24 цагт шинээр 3963 коронавирусийн халдвар бүртгэгдсэн нь цар тахал гарснаас хойш нэг өдрийн дотор бүртгэгдсэн хамгийн өндөр тохиолдол болж байна. Ингэснээр нийт бүртгэгдсэн тохиолдол 240,042 боллоо.
Нийслэл хотод 1383, орон нутагт 2580 тохиолдол бүртгэгдэж, 3560 иргэн эдгэрч, эмнэлгийн болон гэрийн ажиглалтаас гарчээ.
Коронавируст халдварын улмаас 41-80 насны найман хүн нас барсан харамсалтай мэдээлэл байна. Өнөөдрийн байдлаар халдварын улмаас 976 хүн эндээд байна.
