Саиед Моллай, Ц.Цогтбаатар, Б.Болортуяа нарт гавьяат тамирчин, М.Уранцэцэгт Хөдөлмөрийн баатар цол олгоно

“Токио 2020” зуны олимпын наадамд амжилттай оролцож, медаль хүртсэн тамирчдад олгох шагнал, урамшууллын талаар мэдээлж байна.

Биеийн тамир, спортын улсын хорооны дарга Ц.Шаравжамц “Саиед Моллай, Ц.Цогтбаатар, Б.Болортуяа нарт гавьяат тамирчин, М.Уранцэцэгт Хөдөлмөрийн баатар цол олгоно.

Олимпод оролцсон тамирчдын сүүлийн ээлж наймдугаар сарын 10-нд эх орондоо ирсэн бөгөөд Улсын Онцгой комиссоос тамирчдыг 14 хоног гэртээ байж тусгаарлагдахыг зөвлөсөн. Сүүлийн ээлжид ирсэн тамирчдын тусгаарлалтын хугацаа наймдугаар сарын 24-нд дуусаж байгаа тул 25-ны өглөө 10:00 цагт Монгол Улсын Ерөнхийлөгч хүлээн авч тамирчдад цолыг нь гардуулна. Дараагаар нь 12:30 цагт Ерөнхий сайд хүлээн авч, урамшуулал, байрыг олгохоор товлосон байгаа.” гэлээ.