БНСУ-д зуны хэт халуун өдрүүд үргэлжилж өдөртөө 35 хэм, шөнөдөө 25-аас дээш хэм халж байгаатай холбогдуулан Монгол улсаас БНСУ-д суугаа Элчин сайдын яамны Консулын хэлтсээс сэрэмжлүүлэг мэдээлэл гаргалаа.
Тус мэдээлэлд “БНСУ-ын цаг уурын газраас улс даяар анхааруулга болон сэрэмжлүүлэг гаргаад байна. Иймд иргэд Та бүхэн хэт халуун үеийн эмгэгээс урьдчилан сэргийлж цэвэр ус, шингэний хэрэглээгээ нэмэгдүүлж, гадаа ажилладаг бол малгай, хамгаалах хэрэгсэл өмсөх, өдрийн 12-17 цагийн хооронд онцын шаардлагагүй бол гадаа гарахгүй байхыг зөвлөж байна” гэжээ.
Мөн тус оронд амралтын өдрүүд эхэлж байгаатай холбогдуулан далай тэнгис, голын эрэгт амарч зугаалахдаа сонор, сэрэмжтэй байж, гол усны аюулаас урьдчилан сэргийлэхийг анхаарууллаа.
+ There are no comments
Add yours