Н.Тавинбэх: 11 сарын цахилгааны үлдэгдэл төлбөрийг хэрэглэгч өөрөө төлөх ёстой

Эрчим хүчний сайд Н.Тавинбэх: “МУ-ын Засгийн газрын тогтоолын дагуу айл өрх, зарим аж ахуй нэгжүүдийн дулааны уур цахилгааны төлбөрийг 2020.12.01- нээс 2021 оны 07 сарын 1 хүртэл төр хариуцахаар байгаа. цахилгаан дулаан дулааны уур бол эрчим хүчний сайдын эрхлэх асуудлын хүрээнд багтдаг. Бид засгийн газрын тогтоолын дагуу төрөөс 7 сарын 1 хүртэл зарим аж ахуй нэгжийн цахилгаан дулаан, эрчим хүч, хэрэглээний уурыг төрөөс даахтай холбоотойгоор журам гаргасан байгаа. Журмыг бид хууль зүйн яаманд бүртгүүлээд бүх нийтээр дагаж мөрдөх журам учраас бүртгүүлээд олон нийтэд танилцуулсан байгаа. 12 сарын төлбөр гарсан байгаа. Дулааны эрчим хүчний хувьд ямар нэгэн гомдол өнөөдрийн байдлаар ирээгүй байна. Цахилгаан эрчим хүчний төлбөр тооцоотой холбоотой дотроо айл өрхийн цахилгаан болон 12 сарын төлбөр тооцоотой гомдол санал зөрөө байгаа учир тайлбар өгөе гэж энэ хэвлэлийн бага хурлыг зохион байгуулж байна. УБ хотын хэмжээнд 12 дугаар сард 362,500 хэрэглэгчид цахилгаан эрчим  хүчний бичилт хийгдсэн байгаа. Үүнээс 137,000 бол гэр хороололд амьдардаг цахилгааны бичилт байгаа. Бичилт бүх хэрэглэгчдэд төлбөрийн тооцоо очсон. Үүнээс 4914 гомдол хэрэглэгчдийн гомдол санал өгөх утсанд ирсэн. Үүнээс хариу тайлбар цаг тухайд нь өгөөд 294 хэрэглэгчийн гомдолын албан ёсоор гомдол болгож  барагдуулахаар ажиллаж байна. Энэ бол нийт хэрэглэгчийн нэг хүрэхгүй орчим хувь байгаа. Гомдолыг багцалж үзвэл төлбөр өндөр гарсан. 12 сарын 1-нээс төр хариуцаж байхад манай дээр  хэрэглэгч өөр дээр нь төлбөр гарч байгааг тодруулсан байгаа. Би энэ хоёр асуултанд тайлбар өгөөд асуултанд хариулах байдлаар явья гэж бодож байна. 362 мянга МУ-ын хэмжээнд 690 мянган айл өрх аж ахуй нэгж байдаг. Манай энэ цахилгааны төлбөр тооцоо хийдэг тооцооны заалтыг хариуцсан ажилтанууд заавал биеэр авдаг маш нүсэр ажил бий. Өөрөөр хэлбэл Улсын хэмжээнд 737 мянган хэрэгчдийн тоолуурын заалтыг биеэр очиж авдаг. Нийслэлийн хэмжээнд бол 420 мянган хэрэглэгчийн тоолуурын заалтыг биеэр очиж авдаг. Ийм цаг хугацаа шаардсан нүсэр механик ажил байдаг юм. Ийм учраас энэ ажлыг хөнгөвчилөхын тулд хэрэглэгч нарыг 6 хэсэгт хуваагаад хэсэгчилж тоолуурын заалтыг авдаг. Ингэж авч байхад нэг удаагийн бичилтээр нэг чиглэлийн хариуцсан ажилтан орон нутагт 600-800 мянган хэрэглэгдийн тоолуурын заалтыг авдаг. УБ хотын хувьд 2000-3000 тоолуурын бичилтийг авдаг. Хоёрдугаарт хэрэглэгчдийг гэрээ байгуулж сүлжээнд холбогдсон өдрөөс эхлээд 30 хоногоор тасалж хэрэглээний төлбөрийг хэмждэг. Ийм учраас олон хэрэглэгчийн хувьд сар дамжиж орж ирдэг.  Жишээлбэл 12 сарын төлбөрийг манай олон хэрэглэгчид 12 сарын 1-нээс 12 сарын эцсийн өдрийн төлбөр хүртэл гэж ойлгож байх шиг байна. Миний түрүүний хэлдэг хоёр шалтгааны улмаас 11 сарын тодорхой хоногууд 12 сарын төлбөр дээр орж ирж байгаа юм. Тийм учраас төр цахилгаан төлбөрийг даачихсан энэ үед төлбөрийн хэмжээ гараад байна гэж хэрэглэгч нар асууж байна. Жишээлбэл  иргэн Тавинбэхийн гэрээ 7 сарын 10нд цахилгаан эрчимд холбогдож  гэрээ байгуулсан байлаа гэхэд энээс хойш 7, 8 сарын төлбөр бол 8 сарын 10 өдөр тасалбар болж гарна. 8 сарын төлбөр 9 сарын 10-наар төлж явна. Ингэж хойшоо хөөгдөж явагдсаар байгаад 11 сарын төлбөр болбол 12 сарын 10нд гарч байгаа байхгүй юу. Тэгэхээр засгийн газрын тогтоол 12 сарын 1 нээс хэрэгжиж эхэлж байгаа учраас иргэн Тавинбэхийн 12 сарын төлбөр дээр 11 сарын 10-наас 11 сарын 31 ны хүртэлх  20 хоногийн төлбөр орж байгаа юм. Энэ төлбөр бол журам тогтоолын дагуу хэрэглэгч өөрөө хариуцаж төлөх ёстой” гэлээ.