Бага насны хүүхэд бэлгийн хүчирхийлэлд өртсөн талаар нийгмийг цочроосон жигшүүрт хэргийн мэдээлэл ар араасаа гарсаар байна. Төрсөн аав нь хоёр настай охиноо хүчирхийлсэн жигшүүрт хэрэг өнгөрсөн оны арванхоёрдугаар сард гарчээ. Харин хэргийн талаар охины ээж Б нь энэ сарын 1-нд буюу жигшүүрт хэрэг гарснаас жилийн дараа цагдаагийн байгууллагад хандсанаар ил болсон байна.

Тодруулбал, Улаанбаатар хотын харьяат, 1987 онд төрсөн Н нь төрсөн охин болох хоёр настай М-ийг хүчирхийлсэн гэнэ. Хэргийн талаар хохирогчийн ээж Б “Манай нөхөр өнгөрсөн жилийн арванхоёрдугаар сард охиноо хүчирхийлсэн байсныг мэдсэн. Хэрэг Сонгинохайрхан дүүрэгт болсон” хэмээн Архангай аймгийн цагдаагийн байгууллагад өргөдөл гаргажээ. Тэрбээр нөхрөөсөө салж, охинтойгоо цуг Архангай аймагт амьдарч байгаа аж. Хэргийг Архангай аймаг дахь Цагдаагийн газар хэрэг бүртгэл нээн үргэлжлүүлэн шалгаж байна.

Энэ төрлийн гэмт хэргийг үйлдсэн этгээдийг Эрүүгийн хуулийн 12 дугаар зүйлд зааснаар 12-20 жил, эсвэл бүх насаар нь хорих ялаар шийтгэдэг байна.

Leave a Reply

Your email address will not be published. Required fields are marked *

Previous post 70.000 өрх бүрээс нэг иргэнийг “Ковид-19” халдварыг тандах, илрүүлэх шинжилгээнд хамруулна
Next post С.Баярцогтын хэргийн шийдвэрийг өнөөдөр танилцуулна

More Stories

Ерөнхий сайд Н.Учрал: Монгол, Японы худалдааны эргэлтийг нэмэгдүүлэхэд онцгой анхаарч байна

Пүрэв Дашдорж
3 weeks Ago

Монгол Улсын Ерөнхий сайд Н.Учрал /2026.09.29/ Япон, Монголын эв найрамдлын нийгэмлэгийн тэргүүн Т.Шимизү, Япон, Монголын нийгэмлэгийн тэргүүн Ш.Күбота тэргүүтэй найрамдлын...