“Эрдэнэт үйлдвэр” ТӨҮГ-аас ажилчдадаа зориулсан нийгмийн хариуцлагын хүрээнд баригдаж буй “Уурхайчин-1,2,3” цогцолбор хорооллын бүтээн байгуулалт үргэлжилж байгаа ч “Уурхайчин-2” хорооллын хувьд орон сууцны захиалга албан ёсоор эхлэх болоогүй гэдгийг Нийгмийн харилцааны хэлтсээс мэдээлж байна.
Учир нь Эрдэнэт үйлдвэр захиалагч байгууллагын хувьд “Уурхайчин” орон сууцны хорооллын барилгын ажлын гүйцэтгэлээ 70 хувьд хүргэсний дараа байрны захиалга авч эхлэх шаардлага тавьж байгаа юм. Мөн тухайн компани нь захиалга авахдаа Эрдэнэт үйлдвэрийн ажилтнуудтай худалдах, худалдан авах гэрээ хийх ёстой. Ингэхдээ гэрээний загвараа үйлдвэрийн газрын Хуулийн хэлтсээр хянуулж, хүчин төгөлдөр болсны дараа захиалга авч эхлэнэ. Гэтэл “Уурхайчин-2” хорооллын барилгын гүйцэтгэл өнөөдрийн байдлаар 20 хувьтай байхад уг хорооллын гүйцэтгэгч “Өргөө хаан констракшн” компанийн зүгээс байрны захиалга авч байгаа тухай мэдээлэл олон нийтийн сүлжээгээр түгээж буй нь захиалагчийн тавьсан шаардлагад нийцэхгүй байна.
“Тодруулж хэлбэл, тухайн компанийн барилгын ажил 70 хувийн гүйцэтгэлтэй, ажилтнуудтай худалдах, худалдан авах гэрээ хийж, эрх бүхий байгууллагаар хянуулах зэрэг нөхцөл хангасны дараа Эрдэнэт үйлдвэрийн захиргааны зүгээс ажилтнуудын захиалгыг албан ёсоор өгнө. Тиймээс бид “Өргөө хаан констракшн” компанийн удирдлагуудад албан тоот хүргүүлсэн, хариу хүлээж байна” гэж Нийгмийн харилцааны хэлтсийн орлогч дарга Д.Эрдэнэбат онцоллоо.
More Stories
Боловсролын үнэлгээний төвөөс 2026-2027 оны хичээлийн жилийн Их, дээд сургуульд элсэгчдийн Элсэлтийн ерөнхий шалгалтын хуваарийг албан ёсоор баталлаа
Боловсролын үнэлгээний төвөөс 2026-2027 оны хичээлийн жилийн Их, дээд сургуульд элсэгчдийн Элсэлтийн ерөнхий шалгалтын хуваарийг албан ёсоор баталжээ. Их, дээд...
Ерөнхийлөгч У.Хүрэлсүх МУБИС, ХААИС-ийн багш, ажилтнуудтай уулзлаа
Монгол Улсын Ерөнхийлөгч Ухнаагийн Хүрэлсүх Боловсролын их сургууль, Хөдөө аж ахуйн их сургуулийн эрдэмтэн багш, хамт олонтой уулзлаа. Ерөнхийлөгч, улс орны хөгжил дэвшлийн үндэс,...
ССАЖЗ-ын сайд Ж.Алдаржавхлан “энгийн” алдаа гаргасан ажилтнаа маш их гайхаж буйгаа илэрхийлээд тэрхүү алдаа өөрт нь хамаагүй гэв
Соёл, спорт, аялал жуулчлал, залуучуудын яамны фэйсбүүк хуудаст нэр бүхий эрхэмд зориулан эмгэнэл нийтэлсэн нь нийгмийг бухимдуулсан. Эмгэнэл нэртэй тэрхүү...
Улаанбаатар хот орчмоор 18 градус дулаан байна
УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 6-11 метр, өдөртөө зарим үед секундэд 14-16 метр хүрч ширүүсэж, шороон...
Сонгинохайрхан дүүрэг сүүлийн таван жилд эрүүл мэнд, боловсролын салбарт онцгой анхаарчээ
Монгол Улсын Ерөнхийлөгч Ухнаагийн Хүрэлсүхийн дүүргүүдийн иргэдтэй хийж байгаа уулзалт үргэлжилсээр байна. Тэрбээр өнөөдөр Сонгинохайрхан дүүргийн иргэдтэй уулзлаа. Сонгинохайрхан дүүрэг...
Үндэсний баялгийн сангаар дамжуулан иргэдийн хүртэх өгөөжийг нэмэгдүүлэх ажлыг шуурхай зохион байгуулахыг үүрэг болголоо
Засгийн газрын ээлжит хуралдаан 2026 оны тавдугаар сарын 6-д-нд болж дараах асуудлуудыг хэлэлцэн шийдвэрлэлээ. “Стратегийн ач холбогдол бүхий ашигт малтмалын...