Хөгжлийн бэрхшээлтэй хүний хөгжлийн ерөнхий газрын “Эерэг хандлагыг төлөвшүүлж, Ээлтэй орчныг нэмэгдүүлье” уриатай өртөөлөх аяны тугийг дүүргийн нутаг дэвсгэрт үйл ажиллагаа явуулж буй аж ахуйн нэгж байгууллагуудын дунд хөгжлийн бэрхшээлтэй иргэдэд үйлчилгээ үзүүлэхэд хүртээмжтэй орчин бүрдүүлэх стандартыг хангуулах зорилгоор аялуулж байгаа бөгөөд Төрийн банкны Хан-Уул салбарт 2020.09.23-25-ны өдрүүдэд аялууллаа.
Тус хугацаанд Төрийн банкны Хан-Уул салбар нь харилцагчдад ая тухтай үйлчилгээ үзүүлэх хүртээмжтэй орчинг бий болгох зорилтын хүрээнд банкны үйлчилгээний цонх барьерыг стандартын дагуу намхан болгох ажлыг 2020 оны 09-р сарын 24-ний өдөр хийж гүйцэтгэсэн. Ингэснээр өндөр настан, хүүхэдтэй эхчүүд, хөгжлийн бэрхшээлтэй иргэдэд ая тухтай үйлчлүүлэх боломжийг олгож байна.
Цаашид ХУД салбарын харъяа нэгжүүдийн барьерыг намхан болгох ажлыг үргэлжлүүлж байна.
Мөн Төрийн банкнаас тусгай хэрэгцээт харилцагчиддаа зориулж Карт болон Гялс банк үйлчилгээгээр банкны бүх төрлийн үйлчилгээг хүссэн үедээ, хүссэн цагтаа түргэн шуурхай, цаг хугацаа хэмнэн авах боломжийг олгож байна.
“Төрийн банкны Хан-Уул салбар” нь үйлчилгээний хүртээмжтэй орчинг түргэн шуурхай бүрдүүлж САЙН ТУРШЛАГЫГ ОЛОНД ТҮГЭЭЖ байгаад талархал илэрхийлж, ажлын өндөр амжилт хүсье.
ХАН-УУЛ ДҮҮРГИЙН ЗАСАГ ДАРГЫН ТАМГЫН ГАЗРЫН
НИЙГМИЙН БОДЛОГЫН ХЭЛТЭС
+ There are no comments
Add yours