Хүүхдийн төрөлжсөн асрамж халамжийн төвөөс 18 нас хүрч, бие даан амьдралд хөл тавьж байгаа залуучуудаа дэмжих зорилгоор “Нийслэлийн орон сууцны корпораци” ХК, Засгийн газрын хэрэгжүүлэгч агентлаг “Гэр бүл, хүүхэд, залуучуудын хөгжлийн газар”-тай хамтран ажиллах санамж бичиг байгууллаа.

Хүүхдийн төрөлжсөн асрамж халамжийн төвийн 18 нас хүрч бие даан амьдрахаар болсон хүүхэд залуучуудад их дээд сургуульд элсэн орох, сургалтын төлбөр болон орон сууц гэх мэт асуудал ихээхэн хүндрэл учруулдаг байна. Тиймээс энэхүү санамж бичгийн хүрээнд тэдгээр залуучуудад дэмжлэг үзүүлэн түрээсийн орон сууцанд хамруулахаар болж байна.
Өнгөрөгч хичээлийн жилд буюу 2019-2020 онд асрамж халамжийн төвөөс 18 насанд хүрч 75 хүүхэд гарснаас 2 хүүхэд нь боломжгүйн улмаас асрамж халамжийн төвдөө амьдарч байгаа юм. Иймд Нийслэлийн Засаг дарга бөгөөд Улаанбаатар хотын захирагчийн үүрэг гүйцэтгэгч Ж.Батбаясгалан болон бусад албаны хүмүүс дээрх 2 хүүхдэд Нийслэлийн түрээсийн орон сууцны санд буй орон сууцанд хамрагдах батламжийг албан ёсоор гардуулан өглөө.
“Нийслэлийн орон сууцны корпораци” ХК нь Нийслэлийн хэмжээнд түрээсийн орон сууцны санг бий болгож орон сууцанд хамрагдах хүсэлтэй иргэдийн бүртгэлийг цахим хэлбэрт шилжүүлэн энгийн түрээс болон түрээслээд өмчлөх орон сууцанд нийт 6235 иргэнийг хамруулан орон сууцжуулаад байна. Мөн шинэ төрлийн коронавирусын цар тахлаас урьдчилан сэргийлэхээр галын шугамд ажиллаж байгаа “Төрийн үйлчилгээний болон төрийн тусгай албан хаагчдыг түрээслээд өмчлөх нөхцөлөөр орон сууцаар хангах тухай” Засгийн газрын тогтоолын дагуу 1000 албан хаагчийг түрээслээд өмчлөх орон сууцанд хамруулах ажлыг зохион байгуулан ажиллаж байгаа юм.
Санамж бичиг байгуулах арга хэмжээний үеэр “НОСК” ХК-ийн Гүйцэтгэх захирал Б.Сүхбаатар дөнгөж амьдралд хөл тавьж буй залуучуудаа бид дэмжих ёстой. Зөвхөн түрээсийн орон сууцанд хамруулаад зогсохгүй цаашид ажлын байраар хангаж, өөрийгөө хөгжүүлэх, сурч боловсрох нөхцөл бололцоог нэмэгдүүлэх нь чухал юм гэдгийг онцоллоо.
More Stories
“Зам тээврийн ослоос урьдчилан сэргийлье” сургалт эхэллээ
Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс гэмт хэрэг, зөрчлөөс урьдчилан сэргийлэх “Дуугарах цаг” аяны хүрээнд...
“Сүхбаатар дулааны цахилгаан станц” 150 мянган өрх, аж ахуйн нэгжийг цахилгаанаар, 30 мянган айл өрхийг дулаанаар хангана
Монгол Улсын Ерөнхийлөгч Ухнаагийн Хүрэлсүх Сэлэнгэ аймагт ажиллаж байна. Тэрбээр “Сүхбаатар дулааны цахилгаан станц”-ийн нээлтэд оролцов. Энэ станц орон нутгийн...
ЗГ:2030 он гэхэд 100 мянган өрхийг орон сууцанд оруулах бодлогыг зорилгоо болгон ажиллаж байна
Өчигдөр /2026.11.03/ 15:00 цагаас Төрийн ордны зүүн талын галарейд “100 мянган айлын орон сууц Үндэсний хөтөлбөрийн тухай мэдээллийг сэтгүүлчидэд өгөх...
Эрчим хүчний яам болон Зам тээврийн яамны Төрийн нарийн бичгийн дарга асан Б.Н-д шүүхээс 5 жилийн хорих ял ногдуулжээ
Авлигатай тэмцэх газрын Мөрдөн шалгах хэлтсээс мөрдөн шалгасан Зам тээврийн яамны Төрийн нарийн бичгийн даргаар ажиллаж байсан Б.Н нарын 5...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
