Филиппин улсын Ерөнхийлөгч Родриго Дутерте өчигдөр /2020.04.01/ ард иргэддээ хандан мэдэгдэл хийх үеэрээ хөл хорио зөрчиж, байдлыг хүндрүүлж буй хүмүүсийг буудахыг хууль, хүчний байгууллагуудад зөвшөөрч байгаагаа мэдэгджээ.

Тэрбээр хорио цээрийн дэглэмийг хүн бүр чандлан сахих ёстойг анхааруулаад дэглэм сахиулахад саад болсон, эсэргүүцэл үзүүлсэн хэнийг ч болов шууд бууд хэмээн хэлсэн байна.

Хүчирхийллийг ил тод сурталчилдаг хэмээн хүний эрхийн байгууллагуудад байнга шүүмжлүүлдэг Дутерте “Асуудлыг хүндрүүлэхийн оронд тэднийг оршуулсан нь илүү амар гэж би бодож байна” гэж хэлжээ. Тус улсад өнөөдрийн байдлаар 2,311 хүн халдвар авч, 96 хүн нас бараад байгаа ба сүүлийн өдрүүдэд нийслэл Манила хотын захын дүүргүүдэд оршин суугчид хөл хорионы дэглэмийг эсэргүүцэж, эмх замбараагүй байдал үүсээд байгаа юм.

Филиппиний Ерөнхийлөгчийн хар тамхины эсрэг дайн зарласан мэдэгдлээс хойш тус улсад ард иргэдийн эсрэг хүчирхийлэл гаарч, хууль хүчнийхний гарт олон мянган иргэн амиа алдсан гэсэн тоо баримт байдаг. Родриго Дутерте 2016 онд Ерөнхийлөгчөөр сонгогдсоноосоо хойш хууль бус хар тамхины наймаатай тэмцэх бодлогыг идэвхтэй хэрэгжүүлсээр ирсэн бөгөөд хоёр жилийн хугацаанд буюу 2018 оны мэдээгээр хар тамхитай холбоотой хэргээр 5,000 орчим хүн цаазаар авхуулсан байна.

Эх сурвалж: AL JAZEERA, REUTERS

Leave a Reply

Your email address will not be published. Required fields are marked *

Previous post Шүлхий өвчнөөс урьдчилан сэргийлэх вакцин хийлээ
Next post Цахилгааны шөнийн тариф хөнгөлөх хугацаа дуусжээ

More Stories

Монгол Улсын Их Хурлын дарга Н.Учрал Их Британи, Умард Ирландын Нэгдсэн Хаант Улсаас Монгол Улсад суугаа Элчин сайд Фиона Блайтыг хүлээн авч уулзлаа

Пүрэв Дашдорж

Монгол Улсын Европ дахь чухал түнш, “гуравдагч хөрш” Британи Улстай хөгжүүлж буй харилцаа, хамтын ажиллагаандаа онцгой ач холбогдол өгч, бүхий...