“Amazon.com”-ийн 100 орчим ажилтан даваа гарагт ажил хаялт зарлахаар төлөвлөж байна. Нью-Йорк хот дахь савлагааны төвийн эдгээр ажилтнууд цар тахлын үед авч буй компанийн арга хэмжээг шүүмжилж байна.
Энэхүү салбар нэгжийн үйл ажиллагааг багадаа хоёр долоо хоног зогсоож, ариутгах хэрэгтэй гэж шаардаж байгаа юм байна. Үүнээс өмнө Квинс дүүрэгт “Amazon.com”-ийн нэг ажилтан шинэ төрлийн “коронавирус”-ийн халдвартай нь тогтоогдсоны дараа тус компани дээрх салбар нэгжид ариутгал хийх зорилгоор үйл ажиллагааг зогсоох арга хэмжээ авсан байна. Ингэхдээ ажилчдадаа цалинтай чөлөө олгосон төдийгүй эрүүл мэндийн шалтгаанаар гэртээ байгаа ажилтнуудад нөхөн төлбөр олгохоор шийдвэрлэжээ.
+ There are no comments
Add yours