Монгол Улс дөрөвдүгээр сарын 2-4-нд гурван удаагийн нислэг үйлдэж, 750 иргэнээ татан авахаар шийдсэн талаар бид мэдээлсэн.

Тэгвэл уг тусгай нислэгт Мэргэжлийн хяналтын Эрүүл ахуй, халдвар хамгааллын улсын хоёр байцаагч дагалдан явах бөгөөд онгоцны буудал дээр болон онгоцонд иргэдийн эрүүл мэндийг хамгаалж, асуумж авах ажлыг зохион байгуулах аж. Эдгээр байцаагч нь эмч мэргэжилтэй бөгөөд халдвар хамгааллын дэглэмийг сахиулах тул иргэд тэдний зааврын дагуу байхыг Шуурхай штабаас хийсэн мэдээллийн үеэр Мэргэжлийн хяналтын ерөнхий газрын дэд дарга Г.Сугарбат анхаарууллаа.

Өмнөх нислэгүүдээ гарсан асуудлуудыг дахин гаргахгүй тулд Мэргэжлийн хяналтын газраас иргэдэд АНХААРУУЛГА болгож, дараах мэдээллүүдийг өглөө.

  • Зорчигчдод өгөх асуумж нь эрүүл мэндийн 20 асуулттай ба үүнээс 14 төрлийн шинж тэмдгийг зорчигч заавал бичих ёстой. Үнэн зөв бичихгүй бол хуулийн дагуу хариуцлага хүлээлгэх талаар сануулсан байгаа.
  • Сүүлийн 10 хоногт явсан газрууд болон хаагуур дамжиж ирж байгаагаа заавал бичнэ. Дэлгэрэнгүй бичнэ. Багтахгүй бол арын хуудсанд бичиж болно.
  • Зорчигчид суудлынхаа дугаарыг буруу бичиж байгаа нь ажилд маш их хүндрэл учруулж байна. Тухайлбал, халдвар илэрсэн нь тогтоогдвол ойрын хавьтал болон халдвар авсан байх боломжтой хүмүүсийг судалж, тогтоох шаардлагатай. Гэтэл суудал буруу бичсэнээс болоод энд ажиллаж байгаа олон хүнд чирэгдэл учруулж байна.
  • Онгоцонд суудлаа сольж ОГТ БОЛОХГҮЙ.
  • Хүүхдээ авч явж байгаа эцэг, эхчүүд хүүхдээ хаана суулгасан, яг тэр суудлын дугаарыг бичих ёстой.
  • Иргэд хоолоо тохируулах шаардлагатай. Онгоцонд хоол өгөхгүй тул онгоцны буудалд хооллож, биеэ засаж бэлдэнэ. Онгоцонд аль болох шилжилт хөдөлгөөн хийхгүй, суудалдаа сууж, амны хаалтаа зүүх ёстой.
  • Холын нислэг, тухайлбал Токиогийн нислэгээр явах хүмүүс юм уухад соруул бэлдэх хэрэгтэй. 
  • Онгоцонд суухад амны хаалт тарааж өгнө. Тодорхой хугацааны дараа амны хаалтаа солино. Сольсон маскаа хаа хамаагүй хаяхгүй. Онгоцны үйлчлэгч тусгай саванд хүлээж авна.
  • Гарцан дээр хоёр байцаагчийн нэг нь термо камераар биеийн дулааныг хэмжиж, нөгөө нь асуумжаа бөглүүлнэ.
  • Халуун бууруулах эм хэрэглэх шаардлагагүй. Эрсдэлтэй байгаагаа эртхэн мэдэгдсэнээр эмчлэн тусгаарлах байр руу явж, эмчлүүлэх ба энэ нь эрүүл мэндээ хамгаалж буй хэрэг.
  • Энгийн нислэг биш учраас онгоц газардахад бүх хүн босоод, үймж болохгүй. Бүх хүний нэрийг дуудах тул нэр дуудахад л босож, заасан хаалгаар гарна.

Ийнхүү иргэд маш ХАРИУЦЛАГАТАЙ байж, асуумжаа зөв бөглөж, холбогдох хүмүүсийн тавьсан шаардлагыг биелүүлэх ёстой.

Ингэснээр тухайн иргэнийг тусгаарлан эмчлүүлэх үү, тусгаарлан ажиглуулах уу гэдгийг шийднэ. Цаашлаад бусдад болон өөрийн эрүүл мэндэд эрсдэл учруулахгүй байхад тустай юм гэдгийг дахин дахин санууллаа.

Leave a Reply

Your email address will not be published. Required fields are marked *

Previous post Байшингийн дээвэр нь шатсаны улмаас 56 настай эрэгтэй угаартаж нас баржээ
Next post Сайжруулсан түлшийг энэ зун автозам дагуух борлуулалтын цэгүүдээр худалдаална

More Stories

Үндэсний баялгийн сангаар дамжуулан иргэдийн хүртэх өгөөжийг нэмэгдүүлэх ажлыг шуурхай зохион байгуулахыг үүрэг болголоо

Пүрэв Дашдорж
2 months Ago

Засгийн газрын ээлжит хуралдаан 2026 оны тавдугаар сарын 6-д-нд болж дараах асуудлуудыг хэлэлцэн шийдвэрлэлээ. “Стратегийн ач холбогдол бүхий ашигт малтмалын...