Дэлхийн 86 орныг хамарсан өвчлөл гарчээ. БНСУ, Итали, Иранд өвчлөл хурдацтай тархсан хэвээр байна.
ДЭМБ-ын суурин төлөөлөгч Сергей Диордице: Вирүсын халдвар Дэлхийн хэмжээнд хурдацтай тархаж байна. Одоогоор 86 улсад коронавирүсын өвчлөл бүртгэгдээд байна. БНХАУ-ын хувьд халдварын хэмжээ буурч байгаа ч Азийн гурван оронд голомтлон тархаж байгаа нь эрсдэл үүсгэж байна. Өвчлөл олон улсад тархаж байгаа ч тархалтыг зогсоох арга замыг тасралтгүй хайж байна.БНХАУ-ын хувьд нас баралтын тоо өдөр ирэх тусам багасч байна. Дэлхийн 86 оронд бүртгэгдээд байгаа ч гэсэн тохиолдлын тоогоороо БНСУ хошуучилж байна. ДЭМБ-ын ерөнхий захирлын мэдээлснээр энэ өвчнийг хязгаарлах боломж гарч ирж байна. Сүүлийн 2-3 долоо хоногийн хугацаанд энэ вирусын эсрэг арга хэмжээ авах үйл хэрэгт улс орон бүрийн нэр хүндтэй байгууллагууд нэгдэж байна. Хэдийгээр Монголд халдвар илрээгүй ч Засгийн газраас яаралтай арга хэмжээ авч, бүхий л салбарыг хамруулан ажиллаж байгаа нь сайшаалтай. Яг ингэж арга хэмжээ авахгүй бол коронавирусын өвчлөл гарсан тохиолдолд хорьж тогтооно гэдэг тун бэрхшээлтэй болох юм.
Энэ оны нэгдүгээр сарын 9-нөөс хойш нийт 858 иргэнийг ажиглалтад авчээ. Хамгийн сүүлд гэхэд Берлин-Улаанбаатарын онгоцоор 104 иргэн ирсний 17-г нь ажиглалтад аваад байна. ОХУ-аас 500 оношлуур хүлээж аваад байна.
ХӨСҮТ-д таван хүн, Дархан-Уулд гурван хүнийг ажиглалтад авсан мэдээтэй байна.
+ There are no comments
Add yours