Шатсан иргэний цогцсыг цагдаагийн байгууллагад хүлээлгэн өгчээ

Нийслэлийн Баянгол дүүргийн XXI хороо, Горькийн 18 дугаар гудамжинд байшин шатаж байна гэсэн дуудлага энэ сарын 16-ны өдрийн 17:03 цагт Нийслэлийн онцгой байдлын газарт иржээ. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах аравдугаар ангийн найман аврагч хоёр автомашинтайгаар 7.5 км замыг туулан очиж иргэн Г-ийн 4х6 метрийн хэмжээтэй байшинд эд зүйлс шатаж байсныг 20 минут ажиллаж унтраасан байна. Харамсалтай нь түймэрт 57 настай эрэгтэй өртөж нас баржээ. Цогцсыг цагдаагийн байгууллагад шилжүүлэн өгсөн байна.