Ам алдвал барьж болдоггүй буюу тоглоом хэтэрвэл шоглоом

…АНУ-ын улсын Panama хотод байрлах нэгэн Hooters сүлжээ рестораны зөөгч Jodee Berry байгууллагынхаа болзолт уралдаанд түрүүлсэн ч амалсан авто машины оронд тоглоом авчээ… Гэвч зөөгч бүсгүй болон түүний өмгөөлөгч залилагч байгууллагаас авах ёстой зүйлээ авч чаджээ…
Бүх зүйл тус рестораны зүгээс 4-р сард үйлчлүүлэгч нарт хамгийн их шар айраг худалдаж чадсан ажилтанг шагнах болзолт уралдаан зарласнаас эхэлж… Байгууллагын удирдлагаас уралдааны ялагчид “Тойота” (Toyota) маркийн авто машин бэлэглэхээр амласан аж… Гэвч уралдаанд түрүүлсэн Jodee- д амалсан шагналынхаа оронд “Ододын дайн”киноны бяцхан ногоон эр болох мастер Йода буюу “Toy Yoda”-н тоглоомон дүрийг шагнал болгон өгчээ…Англи хэлээр энэ нэршил нь Toyota-тай бараг ижилхэн дуудагдах тул Hooters сүлжээ рестораны удирдлагууд ийм байдлаар ажилтнаа наргиа болгон шоглож шагнахаар шийдвэрлэжээ… Гэвч өөдөө шидсэн чулуу өөрийн толгой дээр гэдэг болж… Удирдлагын зүгээс түүнийг доромжлон тохуурхсан хэмээн үзсэн зөөгч бүсгүй шууд л халагдах өргөдлөө өгөн ажлаасаа гарчээ… Гэсэн ч ингээд бүх зүйл дууссангүй… Бүсгүй гомдлоо шүүхэд гаргав… Шүүхэд сүлжээ рестораны зүгээс 4-р сарны 1-нд зориулсан хошигнол байсан хэмээн олон янзаар тайлбарласан ч тусыг олсонгүй харин ч ямаан дээр тэмээний гарз гэгчээр шүүхийн шийдвэрээр бүсгүйд уралдаанд амалсан шагнал мөн дээр нь ажилтны эрхэд халдсан, хууль бусаар ажлаас халсан, сэтгэл санааны хохирлын нөхөн төлбөр олгохоор болжээ…