МОСКВА. /BBC/ ОХУ-ын Чукотка мужийн Рыркайпий тосгонд 50 гаруй цагаан баавгай орж ирсэнтэй холбогдуулан олон нийтийн арга хэмжээг цуцалж, сургуулиудыг хамгаалалтад авчээ.

Байгаль хамгаалагчдын хэлж буйгаар, уур амьсгалын өөрчлөлтийн улмаас өлсөж туйлдсан цагаан баавгайнууд хоол хүнс эрэн хүн амын суурьшил нутаг руу орж ирэх болсон байна.

Рыркайпий хот руу цагаан баавгай орж ирэх тохиолдол нэмэгдэх болсонтой холбогдуулан тус тосгоныг нүүлгэн шилжүүлэх шаардлагатай гэж мэргэжилтнүүд үзэж байгаа аж. Тус тосгонд нийт 56 цагаан баавгай орж ирсэн бөгөөд залуу болон нас бие гүйцсэн цагаан баавгайнууд байсан гэж тус хотын баавгайн эргүүл хамгаалалтын хөтөлбөрийн дарга Татьяна Миненко хэлснийг “Ria Novosti” агентлагт уламжлав.

Цагаан баавгайнууд Рыркайпий тосгоноос 2.2 километрийн зайтай орших Мыс Отто Шмидта хэмээх газарт нутагладаг аж. “Цаг уурын өөрчлөлт, дэлхийн дулаарал энэ бүс нутагт онцгой мэдрэгдэж байгаа бөгөөд хэрвээ мөс хангалттай хөлдөхгүй бол цагаан баавгайнууд далайд гарч далайн гахай, далайн хав агнах боломжгүй болно. Мөс бүрэн хөлдөх хүртэл цагаан баавгайнуудыг тосгоноос хооллож байна” гэж Дэлхийн байгаль хамгаалах сангийн байгаль хамгаалагч Михаил Стишов мэдэгджээ.

Рыркайпий тосгон руу ойр ойрхон цагаан баавгайнууд ирж байгаатай холбогдуулан 700 орчим оршин суугчтай тус тосгоныг нүүлгэн шилжүүлэх шаардлагатай гэж Хойд туйлын биологийн хүрээлэнгийн цагаан баавгайн мэргэжилтэн өнгөрсөн долоо хоногт мэдэгдсэн байна.

Эх сурвалж: Монцамэ агентлаг

Leave a Reply

Your email address will not be published. Required fields are marked *

Previous post Урсгал сөрж орсны улмаас хоёр машин мөргөлджээ
Next post 34,8 сая тн нүүрс экспортод гаргажээ

More Stories

Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа

Пүрэв Дашдорж

Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...