Насанд хүрээгүй хүүхэд нэгийгээ хутгалсан хэрэг энэ сарын 15-ны өдрийн 15:00 цагийн үед цагдаагийн байгууллагад бүртгэгджээ.Тодруулбал, СХД-ийн 15-р хорооны нутаг дэвсгэрт байрлах нэгэн хүнсний дэлгүүрт “зүс таних хүүхдийг хутгалаад зугтлаа” гэх дуудлага цагдаагийн байгууллагад иржээ. Дуудлагын дагуу цагдаагийн албан хаагчид шуурхай эрэн сурвалжилж 15 настай Ө-г олж тогтоосон байна.
Одоогоор гарандаа хутгалуулсан 15 настай Т гэгч нь биеийн байдал хэвийн байгаа аж. Урьдчилсан байдлаар насанд хүрээгүй хүүхдүүд хувийн таарамжгүй харьцааны улмаас нэгийгээ хутгалсан байж болзошгүй нөхцөл байдал тогтоогдож байгаа бөгөөд хэргийн шалгаж байна.
Иймээс эцэг, эхчүүд та бүхэнд өсвөр насны хүүхдэдээ тавих хараа хяналтаа сайжруулахыг цагдаагийн байгууллагаас анхаарууллаа.
