Интернэт, кибер ертөнцийн, тогтвортой, аюулгүй байдлыг хангах чиглэлээр үйл ажиллагаа явуулдаг дотоодын болон олон улсын байгууллагуудын аюулгүй байдлын мэргэжилтэн, судлаачид цуглаж, илтгэл тавьж, зөвлөгөө өгдөг MNSEC-2019 өдөрлөг маргааш ШангриЛа-д болох гэж байна. Энэ арга хэмжээнд оролцдог цахим ертөнцийн “манаач” нар олон улсад болон Монгол улсад болсон сүүлийн үеийн халдлагын шинжилгээ, судалгааны үр дүнг танилцуулж, тэдгээрээс сэргийлэх арга, мэдлэг, зөвлөгөөг өгдөг юм. Сонирхуулж хэлэхэд маргааш болох өдөрлөгийн үеэр Монголд болсон халдлагуудын тухай мэдээллийг хүргэх аж. Мөн Монголын банкнуудын холбооноос хортой халдлагуудын тухай ярих юм байна. Түүнчлэн, халдлагыг илрүүлэх индикаторууд буюу тэрийг яаж хэрэглэх тухай яриа өрнөх гэнэ.

“MNSEC 2019” аюулгүй байдлын өдөрлөгийг зохион байгуулагч нь “Цахим аюулгүй байдлын мэдээлэл удирдлагын төв” буюу MNCERT/CC юм. Тус газар нь Монголын кибер аюулгүй байдлын салбарын мэргэжилтнүүдээс бүрдсэн ашгийн бус, төрийн бус байгууллага юм байна. MNCERT/CC-ээс уламжлал болгон зохион байгуулдаг цахим аюулгүй байдлын цогц арга хэмжээ MNSEC зургаа дахь жилдээ болж байгаа нь энэ юм. MNSEC арга хэмжээнд таван жилийн хугацаанд давхардсан тоогоор 1000 гаруй хүн оролцжээ.

Дашрамд дурдахад тус өдөрлөгийг энэ жил нээлтээ хийсэн мэдээллийн технологийн “Нэст эдүкэйшн” ахлах сургууль хамтран зохион байгуулж байгаа юм байна.

Leave a Reply

Your email address will not be published. Required fields are marked *

Previous post Монголбанк ипотекийн зээлийн санхүүжилтээ зогсоох уу
Next post Эрүүгийн хуульд нэмэлт, өөрчлөлт оруулах тухай хуулийн төслийг хэлэлцэнэ

More Stories

Монгол Улсын Их Хурлын дарга Н.Учрал Их Британи, Умард Ирландын Нэгдсэн Хаант Улсаас Монгол Улсад суугаа Элчин сайд Фиона Блайтыг хүлээн авч уулзлаа

Пүрэв Дашдорж

Монгол Улсын Европ дахь чухал түнш, “гуравдагч хөрш” Британи Улстай хөгжүүлж буй харилцаа, хамтын ажиллагаандаа онцгой ач холбогдол өгч, бүхий...