Сүүлийн үед Сэлэнгэ, Хэнтий, Төв, Дорнод, Дархан-Уул аймгийн зарим сумын нутгийн суурьшлын бүс рүү баавгай орж ирж, айлуудын мал руу дайрсан тохиолдол нэлээд хэдэн удаа гарчээ. Амьтан судлаачдын урьдчилсан дүгнэлтээр энэ нь ОХУ-д гарсан гал түймэр болон идэш тэжээлийн хомсдолтой холбоотой юм байна. Баавгай намрын улиралд самар, жимсээр хооллодог бөгөөд энэ жил самар, жимс бага ургажээ.

Суурьшлын бүсэд нь баавгай орж ирсэн аймгуудад Байгаль орчин, аялал жуулчлалын яамнаас зөвлөмж, чиглэл хүргүүлсэн байна. Манай улсын хувьд зэрлэг амьтан суурьшлын бүсэд орсон тохиолдолд ямар нэгэн арга хэмжээ авах хууль, эрх зүйн нарийн зохицуулалт байдаггүй ажээ. Баавгай нь махчин, мөн ховор амьтны жагсаалтад ордог амьтан учраас унтуулагч бодис тарьж, байгальд нь тавихаас өөр аргагүй гэдгийг амьтан судлаачид хэлжээ. Гэвч зэрлэг амьтан унтуулагч бодисыг Монголд оруулж ирэхийг хориглодог байна. Тиймээс уг бодисыг оруулж ирэх асуудлаар Байгаль орчин, аялал жуулчлалын яам, Гаалийн ерөнхий газар, Мал эмнэлгийн ерөнхий газар санал солилцож байгаа юм байна.

Мөн суурьшлын бүсэд орж ирсэн баавгайг харах гэж очсон иргэд баавгайд хөөгдсөн тохиолдол гарсан учраас болгоомжтой байхыг Байгаль орчин, аялал жуулчлалын яамнаас иргэдэд анхаарууллаа.

Leave a Reply

Your email address will not be published. Required fields are marked *

Previous post Тусгай зөвшөөрөлгүй цэцэрлэгийн үйл ажиллагааг зогсоолоо
Next post Их хэмжээний мөнгөө залилуулах хэрэг гарсаар байна

More Stories

Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо

Пүрэв Дашдорж
5 days Ago

Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...