Нийслэл рүү тарвага оруулахыг завдсан этгээдийг торгожээ

Нийслэлийн мэргэжлийн хяналтын байцаагчид Хан-Уул дүүргийн нутаг дэвсгэрт байрлах “Таван толгой”-н авто тээврийн шалган бүртгэх цэгийн хяналт шалгалтаар иргэн М нь Төв аймгийн Алтанбулаг сумын нутаг дэвсгэрээс хууль тогтоомж зөрчиж агнасан нэг бодгаль тарваганы хөлдөөсөн, боловсруулаагүй махыг Улаанбаатар хот руу нэвтрүүлэх гэж байсныг илрүүлжээ. Уг зөрчилд Зөрчлийн тухай хуулийн 7.6 дугаар зүйлийн 1.3 дахь хэсэгт зааснаар 150 мянган төгрөгийн торгууль оноож, тарваганы экологи-эдийн засгийн үнэлгээг 2 дахин нэмэгдүүлсэн нөхөн төлбөр төлүүлж шийдвэрлэжээ.