Наадмын дараа сэргээштэй холбоотой асуудал бөхчүүд төдийгүй олныг талцуулдаг болоод уджээ. Ганц нэг бөхөөр туг тахиад өнгөрдөг гэж хардах хүн цөөнгүй. Ийм бараан зураглал өнөө жил ч бас давтагдаж байна. Баттай эх сурвалжаас авсан мэдээллээр, энэ жил улсын наадамд шөвгөрсөн 16 бөхийн хоёр нь сэргээшийн шинжилгээнд бүдэрсэн гэнэ. Шинжилгээнийх нь хариуг тэдэнд энэ сарын 9-нд утсаар мэдэгджээ. Дээрх хоёр бөх хэн болох нь олны анхаарлыг татаж байгаа нь мэдээж. Энэ талаар Допингийн эсрэг үндэсний төвийнхнөөс тодруулахад “Бөхчүүдийн сэргээшийн шинжилгээний хариу гарсан нь үнэн. Бид хуулийн дагуу Үндэсний баяр наадам зохион байгуулах хороонд илгээсэн. Хариуг нь зарлах, эсэх нь тэдний мэдлийн асуудал” гэсэн бол Монголын үндэсний бөхийн холбооны дэд тэргүүн Ц.Магалжав “Одоогоор ямар нэгэн бөх В сорьцын шинжилгээ өгөх хүсэлт гаргаагүй байна” хэмээв.
Гэтэл Үндэсний баяр наадам зохион байгуулах хорооны ерөнхий нарийн бичгийн дарга Э.Содномжамц “Допингийн эсрэг үндэсний төвөөс манайд ямар нэгэн хариу ирүүлээгүй” гэж байгаа нь хачирхалтай.
Өнөө жил төрийн наадамд шөвгөрсөн 16 бөхөөс улсын аварга Э.Оюунболд, улсын начин Ж.Ням-Эрдэнэ хоёроос бусад нь цахим хуудсаараа дамжуулан өчигдөр мэдэгдэл хийж, өөрсдөөс нь сэргээш илрээгүй гэв. Тэдэн шиг мэдэгдсэнгүй, ил тод байсангүй гээд дээрх хоёр бөхийг шууд буруутгах нь өрөөсгөл. Сүлжээгүй газарт явж байж мэднэ. Гэхдээ Хүй долоо худагт болж, өчигдөр өндөрлөсөн нэгэн наадамд эхний өдөр зодоглосон Э.Оюунболд барилдааныг гэнэт орхин явсан нь олныг ихэд эргэлзүүлэв.
Бэлтгэсэн: Б.Гансүлд
More Stories
У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна
У.Хүрэлсүх: Монгол Улс бэлчээр, нүүдлийн мал аж ахуйн салбарт дэлхийн хамтын ажиллагааны идэвхтэй төв байхыг зорьж байна 102 орны нүүдэлчин,...
Монголбанк бодлогын хүүг 0.5 нэгжээр нэмжээ.
Монголбанк бодлогын хүүг 12.0% →12.5% болгосон байна. Банкуудын төгрөгийн заавал байлгах нөөцийг 14.0% → 14.5% болгожээ. Ингэснээр банкуудын мөнгөний өртөг,...
Монгол-Солонгосын судалгааны баг Хүннүгийн үеийн булш, дурсгалд малтлага хийж эртний олдвор илрүүллээ
Дундговь аймгийн Сайнцагаан сумын Суман уулын дурсгалт газарт Монгол-Солонгосын судалгааны баг Хүннүгийн үеийн булш, дурсгалд малтлага хийж эртний олдвор илрүүллээ...
Туул голын салаанд автомашинтайгаа боогдсон иргэдийг аварлаа
Улаанбаатар хот, Сонгинохайрхан дүүрэг 20 дугаар хороо, Сонсголонгийн гүүрний баруун талд голын усанд боогдсон гарч чадахгүй байна гэх дуудлагыг өнөөдөр...
Шадар сайд Н.Номтойбаяр яамдын Төрийн нарийн бичгийн дарга нартай шуурхай хуралдлаа
Монгол Улсын Ерөнхий сайдын 10, 11 дүгээр албан даалгавар, Улсын Онцгой Комиссын даргын 03 дугаар тушаалын хэрэгжилт, 2026–2027 оны өвөлжилтийн...
Монгол-Оросын хилийг хамтран шалгах ажил 85 хувьтай байна
Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх Хөвсгөл аймгийн нутагт Монгол-Оросын хил дээр ажиллаж, улсын хилийг хоёр дахь...