Сэлэнгэ аймгийн Баянгол суман дахь уурхайд мөн ноцтой осол гарчээ. Тодруулбал, тавдугаар сарын 23-ны өдөр 23.00 цагийн үед Сэлэнгэ аймгийн Баянгол сумын Нарангийн гол гэдэг газарт үйл ажиллагаа явуулдаг “Шарын гол майнинг” алтны уурхайд осол гарсан байна. Тус компанийн Хово автомашины оператор, 29 настай Б нь хөрсний овоолго зөөж тээвэрлэн, өмнө ашиглалт явуулсан талбайд нөхөн дүүргэлт хийх явцдаа машинтайгаа уурхайн ухаш буюу нуур руу унаж осолджээ.

Уржигдар /2019.05.26/-ын байдлаар алба хаагчид 10-11 метрийн гүнд 30 удаагийн шумбалт хийж, мөн өдрийн 15.17 цагт осолдсон автомашины байршлыг тогтоосон байна. Өчигдрийн /2019.05.27/ байдлаар алба хаагчид дахин шумбалт хийн шалгахад осолдсон автомашины бүхээгийн баруун талын цонх хагарсан, кабин дотор хүн байхгүй байжээ. Ослын газарт Дархан-Уул аймгийг Онцгой байдлын газраас арван  алба хаагч, Сэлэнгэ аймгийн Онцгой байдлын газраас долоон алба хаагч ажиллаж байна.  Одоогоор осолдсон ажилтны цогцсыг эрэн хайх ажиллагаа үргэлжилж байна.

Б.Баатар

Leave a Reply

Your email address will not be published. Required fields are marked *

Previous post Хууль бусаар ашигт малтмал олборлосон “Дун юань” компанийг шүүх хурал болж байна
Next post Ослын улмаас найман хүн гэмтэж, нэг хүн нас баржээ

More Stories

Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо

Пүрэв Дашдорж
7 days Ago

Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...