Энэ сард өөрийгөө ангийн буугаар буудаж хөнөөсөн гурван тохиолдол гараад байна. Өчигдөр буюу энэ сарын 21-ний өдөр 29 настай эрэгтэй өөрийгөө мөн л буудан хөнөөсөн харамсалтай хэрэг гарчээ.
Хэргийг тодруулбал, Баянхонгор аймгийн Эрдэнэцогт сумын зургадугаар багт байрлах иргэн өөрийгөө тодорхойгүй шалтгаанаар буудсан хэрэг гарсан байна.
Талийгаач өөрийнхөө гэрт гар аргаар хийсэн ангийн буу болох ТОЗ-8 маркийн буугаар өөрийнхөө духан тус газарт буудсан байна. Уг хэргийг талийгаачийн ах нь цагдаагийн байгууллагад мэдээлсэн бөгөөд хэргийн газрын үзлэг шинжилгээгээр нотлох баримтаар бэхжүүлэн авсан байна. Одоогоор хэргийг Баянхонгор аймгийн цагдаагийн хэлтэст шалгаж байна.
