Энэ сарын 6-ны өдрийн 17:00 цагийн үед Хан-Уул дүүргийн “KH apartment” хотхоны 15 давхраас 30 гаруй насны эмэгтэй унаж нас барсан харамсалтай хэрэг гарсан талаар бид өмнө нь мэдээлсэн билээ. Талийгаач эмэгтэй тус байрны оршин суугч биш бөгөөд “Тайм скүэр” хотхонд амьдардаг байсан нь тогтоогдсон байдаг.
Уг хэргийн талаар цагдаагийн байгууллагад оршин суугчид мэдээлсэн бөгөөд түүний ганцаараа зогсч байгаад доошоо унасан нь камерын бичлэгт бичигдэн үлдсэн байна. Мөн ганцаараа орцны тагтны шилэн цонхны хажууд зогсож байхыг харсан гэрчүүд байгаа аж. Иймээс урьдчилсан байдлаар талийгаач эмэгтэйг амиа хорлосон байж болзошгүй хэмээн үзэж байгаа юм байна.
Тэгвэл нөхөр хоёр хүүхдийн хамт амьдарч байсан эмэгтэй юуны учир ийнхүү өндрөөс унаж амиа алдах болов гэдгийг мөрдөн шалгаж байгаа бөгөөд эх сурвалжийн хэлснээр гэр бүлийн гадуурх харилцааны улмаас болсон гэх.
Энэхүү хэргийг Хан-Уул дүүргийн цагдаагийн газарт шалгаж байгаа. Ингэхдээ “Хүнийг амиа хорлох нөхцөл байдалд хүргэх” гэсэн зүйл ангиар хэрэг үүсгэн шалгаж эхэлсэн байна.
Хуулийн заалтыг тодруулбал, Эрүүгийн хуулийн тусгай ангийн 10.4 дүгээр зүйл. Хүнийг амиа хорлох нөхцөл байдалд хүргэх
1.Эд хөрөнгө, албан тушаал, гэр бүлийн хамаарал бүхий харилцаа, бусад нөхцөл байдлын улмаас эрхшээлдээ байгаа хүнийг байнга хүчирхийлсэн, доромжилсон, зодсон, тамлан зовоосон, айлган сүрдүүлсний улмаас амиа хорлоход гарцаагүй хүргэсэн бол хоёр жилээс найман жил хүртэл хугацаагаар хорих ял шийтгэнэ хэмээн заажээ.
+ There are no comments
Add yours