Дөрөвдүгээр сарын 26-ний өдөр 100 айлын автобусны буудлын ард эрэгтэй хүн өөрийнхөө толгойнд буудаж нас барсан хэрэг гарсан билээ. Харин өчигдөр Баян-Өлгий аймагт мөн л ангийн буугаар өөрийгөө буудсан хэрэг дахин гарчээ. Тодруулбал, тавдугаар сарын 5-ны өдөр “Буун дуу гарлаа” гэх мэдээлэл иргэнээс цагдаагийн байгууллагад бүртгэгдсэн байна. Мэдээллийг шалгахад, Баян-Өлгий аймгийн Буянт суман дахь нэгдүгээр багийн нутаг дэвсгэрт оршин суух хаягтай Н нь өөрийгөө буудаж амь насаа хохироосон байжээ. Амь хохирогч эрэгтэй 39 настай бөгөөд өөрийн гэрт байсан “ТОЗ-8” маркийн ангийн буугаар толгойн тус газартаа буудаж нас барсан аж.

Талийгаач өөрийгөө буудах үеэрээ ямар нэгэн согтууруулах ундааны зүйл хэрэглээгүй байсан. Уг харамсалтай хэргийг тус аймгийн цагдаагийн бүрэлдэхүүн мөрдөн шалгаж байгаа. Мөрдөн шалгах багийнхан шинжээч эмч байлцуулан хэргийн газраас 22 кадр зураг авч, хар өнгийн савхин хүрэм, саарал өнгийн ноосон цамц, ТОЗ-8 маркийн галт зэвсгийг хураан авч хэрэгт хавсаргажээ.

Б.Баатар

Leave a Reply

Your email address will not be published. Required fields are marked *

Previous post 100 удаагийн үйлдэлтэй хулгайн гэмт хэрэгтэнг илрүүлжээ
Next post Оюутолгойн гэрээг шалгах ажлын хэсгийн мэдээллийг хойшлуулав

More Stories