Хамтран амьдрагчаа хөнөөгөөд голын эрэг орчимд хаясан хэрэг гарчээ

Төв аймгийн Батсүмбэр сумын нутагт байх Хүйн голын эрэг орчмоос гадны нөлөөтэй нас барсан эмэгтэй хүний цогцос олджээ. Дуудлага мэдээллийн дагуу цагдаагийн бие бүрэлдэхүүн хэргийн газарт очиж ажиллахад амь хохирогч эмэгтэйн нүүр гарын хэсэг хавдсан, эрүү уруул язарсан, битүү цус хуралтай байсан аж. Шалгалтаар талийгаач эмэгтэй Улаанбаатар хот, Чингэлтэй дүүрэгт оршин суух хаягтай, 38 настай А-гийнх болох нь тогтоогдсон бөгөөд шинжилгээгээр тархинд битүү гэмтэл авч, гадны нөлөөтэй нас барсан нь тогтоогджээ.