Сураггүй алга болсон охин гуравдугаар сарын 22-ны өдөр гэрээсээ гарсан бөгөөд дөрөвдүгээр сарын 4-ний өдөр олдсон байна. Охин алга болох хугацаандаа бусдад хүчирхийлүүлсэн байж болзошгүй гэсэн мэдээллийг ар гэрээс нь өгсөн тул цагдаагийн байгууллага шалгасан байна. Харин гэрээсээ зугтаж, гадуур байх хугацаандаа охин биеэ үнэлж, хар тамхи татсан гэх мэт үл бүтэх зүйлүүдийг хийж байсан нь шалгалтаар тогтоогджээ.
Гэрээсээ гараад гадуур нийт 14 хоног байсан охиныг түүний төрсөн эцэг гэр бүлийн хүчирхийлэлд байнга байлгадаг ба “Мөнгө олж ир” хэмээн зоддог байсан гэх нөхцөл байдал тогтоогдоод шалгалтын ажиллагаа үргэлжилж байна.
Одоогоор цагдаагийн байгууллага хүчирхийлэл үйлдэж, хүүхдийн эрхийг зөрчиж гэрээсээ зугтахад хүргэсэн эцэгт нь хариуцлага тооцохоор ажиллаж байгаа юм байна. Мөн 17 настай охиныг хүүхдийг уруу татсан, бэлгийн харьцаанд орсон хүмүүсийг нь шалгаж эхэлжээ.
+ There are no comments
Add yours