Сэлэнгэ аймгийн Мандал сумын ойн сангийн харуулаар ажилладаг, 57 настай А өнгөрсөн пүрэв гарагт буюу гуравдугаар сарын 28-ны өдөр сураггүй алга болсон байна.
Тодруулбал, тус сумын төвөөс зүүн зүгт 28 км-т орших Тарни багийн “Шар шургаагт” гэдэг газарт ойн сангийн харуулаар ажилладаг байсан тус сумын харьяат, 57 настай эрэгтэй иргэн А ойн сангийн харуулын байрнаасаа сураггүй алга болжээ.
Тус аймгийн Онцгой байдлын газарт эрэн хайх ажиллагааг хамтран зохион байгуулах тухай хүсэлтийг Цагдаагийн байгууллагаас өчигдөр гуравдугаар сарын 31-ний тавьсан байна. Үүний дагуу тэд хамтран Мандал сум дахь Онцгой байдал, Цагдаагийн хэлтэс, ар гэрийнхэн гээд нийт 23 хүн, гурван автомашинтайгаар өчигдрийн 15:50 цагаас эхлэн хайсан. Эрэн хайх ажиллагаа тодорхой үр дүнд хүрээгүй тул өчигдөр буюу гуравдугаар сарын 20:40 цагт түр зогсоосон байна. Улмаар өнөө өглөө үүрээр 06:00 цагт дахин эхлүүлжээ.
+ There are no comments
Add yours