Ерөнхийлөгч Монгол дахь Америкийн худалдааны танхимын төлөөлөгчидтэй уулзав

Ерөнхийлөгч Монгол дахь Америкийн худалдааны танхимын төлөөлөгчидтэй уулзав

Монгол Улсын Ерөнхийлөгч Х.Баттулга өнөөдөр Монгол дахь Америкийн худалдааны танхимын удирдах зөвлөлийн дарга Ойбек Халилов, тус танхимын гүйцэтгэх захирал О.Адъяа, танхимын гишүүн Жаксон Кокс нарыг хүлээн авч уулзлаа.

Монгол дахь Америкийн худалдааны танхимын төлөөлөгчид Монгол Улсын Ерөнхийлөгчид хандан цаг зав гарган хүлээн авч уулзсанд талархал илэрхийлээд Монгол Улсын эдийн засгийг төрөлжүүлэх, тэр дундаа харьцангуй өрсөлдөх боломжтойд тооцогдож байгаа Монголын Хөдөө аж ахуйн салбарт анхаарал хандуулан ажиллаж байгаа гэдгээ хэлсэн юм.

Мөн АНУ-ын Конгресст улс хоорондын худалдаатай холбоотой хуулийн төслийг хэлэлцэх хүртэл маш нарийн төвөгтэй үйл явц өрнөдөг байна. Гэсэн ч Монгол Улсын Ерөнхийлөгч, Монгол Улсын Ерөнхийлөгчийн Тамгын газраас Гуравдагч хөршийн худалдааны тухай хуулийг АНУ-ын Конгресс хэлэлцэх хүртэл нь дэмжсэн явдалд талархал илэрхийлээд, Монгол дахь Америкийн худалдааны танхим дээрх хуулийн төслийг бүхий л түвшинд дэмжиж байгаа гэдгээ илэрхийлсэн юм. Мөн хуулийн төсөл батлагдвал Монголын Хөдөө аж ахуйн салбарын өсөлтөд эерэгээр нөлөөлж, ноос, ноолуурын салбар, эмэгтэйчүүдийн орлого бодитоор нэмэгдэх хүлээлт байгаа гэсэн юм.

Уулзалтын үеэр Монгол дахь Америкийн худалдааны танхимын төлөөлөгчид хөрөнгө оруулалтыг татах хоёр талын бизнес уулзалт зохион байгуулах, аливаа худалдаа, бизнесийн ил тод байдлыг дэмжих зэрэг хэд, хэдэн санал хэлэв.

Эх сурвалж: Ерөнхийлөгчийн хэвлэлийн алба

Leave a Reply

Your email address will not be published.

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

“Нээлттэй Улаанбаатар” хэвлэлийн хурлын үеэр Улаанбаатар хотын Захирагч  Д.Сумъяабазар шатахуун хомсдсон асуудалд холбоотойгоор байр сууриа илэрхийллээ. Тэрбээр “Шатахууны асуудлыг энэ хэмжээнд хүргэх нь дордсоны шинж. Ялангуяа...