Зам тээврийн хөгжлийн яамны газрын дарга асан Б.Махбалд холбогдох хэргийн гэм буруугийн шүүх хуралдаан эхэлсэн ч хойшиллоо. Хуралдааныг хүндэтгэн үзэх шалтгаанаар хойшлуулан ирэх гуравдугаар сарын 18-ны 10:00 цагт явуулахаар тов тогтлоо.
Зам, тээврийн хөгжлийн яам /ЗТХЯ/-ны байранд 2018 оны наймдугаар сарын 9-ний өдөр хүн амины хэрэг гарч, ЗТХЯ-ны Хяналт шинжилгээ, үнэлгээ, дотоод аудитын газрын дарга Т.Гомбосүрэн амь насаа алдсан байдаг. Эл хэрэгт ЗТХЯ-ны Төрийн захиргаа удирдлагын газрын дарга Б.Махбал холбогдон, урьдчилсан байдлаар түүнийг талийгаачийн амь насанд халдсан болохыг тогтоогоод байгаа. Хэргийн мөрдөн байцаалт дуусч, шүүхэд шилжсэн бөгөөд өнөөдөр гэм буруугийн анхан шатны шүүх хурал 10:00 цагт эхэллээ.
Өнөөдрийн хуралдааны шүүх бүрэлдэхүүнд шүүгч Д.Ренчинхорол, Б.Мөнх-Эрдэнэ, Б.Дуламсүрэн нар, улсын яллагч Ж.Энх-Амгалан, өмгөөлөгчөөр Д.Батбаяр, З.Хүрэлсүх, М.Алтанцэцэг, Ч.Отгонбаатар, Ш.Мягмарцэрэн нар ажиллаж байна.
+ There are no comments
Add yours