Амь насыг нь бүрэлгээд жалганд хаясан байжээ

Баянзүрх дүүргийн 19-р хороонд байрлах “Марал” дэлгүүрийн хажуугийн жалганд 36 настай эрэгтэй хэвлийдээ хутгалуулж амь нас нь хохирсон байжээ. Цагдаагийн байгууллагын шуурхай утсанд иргэнээс “жалганд хүн нас барсан” гэсэн мэдээлэл ирсэн байдаг. Уг дуудлагын дагуу жижүүрийн бүрэлдэхүүн хэргийн газарт очиход улаан өнгийн куртик, цэнхэр өнгийн өмдтэй Сонгинохайрхан дүүрэгт оршин суух хаягтай эрэгтэй 36 настай Т нь зүүн талын хэвлий тус газраа хутгалуулсан шархтай нас барсан байсан аж.

Эх сурвалжийн мэдээллээр, хэргийн газраас хоёр хүний гутлын мөр болон тээврийн хэрэгслийн дугуйн мөр байсныг нотлох баримтаар хавсарган авсан байна. Урьдчилсан байдлаар хохирогч гадны нөлөөтэй нас барсан байсныг тогтоосон бөгөөд хэрэг үйлдсэн этгээдийг эрэн хайж эхэлсэн байна. Уг хэргийг Баянзүрх дүүргийн цагдаагийн нэгдүгээр хэлтэст шалгаж байгаа юм