Гадаад харилцааны сайд Д.Цогтбаатар Бүгд Найрамдах Грек Улсаас Монгол Улсад суугаа Онц бөгөөд Бүрэн эрхт Элчин сайд Леонидас Роканасыг хүлээн авч уулзав. Уулзалтын үеэр талууд хоёр орны худалдаа, эдийн засаг, хөдөө аж ахуй, аялал жуулчлалын салбарын хамтын ажиллагааг өргөжүүлэх талаар дэлгэрэнгүй санал солилцлоо.

Элчин сайд Л.Роканас Дипломат болон албан/сервис паспорт эзэмшигчдийг визийн шаардлагаас чөлөөлөх тухай Монгол Улсын Засгийн газар, Бүгд Найрамдах Грек Улсын Засгийн газар хоорондын хэлэлцээр, Аялал жуулчлалын салбарт хамтран ажиллах тухай Санамж бичгийг ойрын хугацаанд байгуулах нь хоёр орны харилцааны хөгжилд чухал ач холбогдолтой болохыг онцлон тэмдэглэв.

Гадаад харилцааны сайд Д.Цогтбаатар аялал жуулчлал, хөдөө аж ахуйн салбарт хамтын ажиллагааг хөгжүүлэх өргөн боломжтой болохыг онцолж, Монголын залуу дипломатуудыг Грекийн Дипломатын академид суралцуулахыг хүсэлт болголоо.

 

Эх сурвалж: ГХЯ

Leave a Reply

Your email address will not be published. Required fields are marked *

Previous post Хүүхэд зодсон багшид эрүүгийн хэрэг үүсгэжээ
Next post Цасан шуурга шуурч, хүйтний эрч чангарна

More Stories

Монгол-Солонгосын судалгааны баг Хүннүгийн үеийн булш, дурсгалд малтлага хийж эртний олдвор илрүүллээ

Пүрэв Дашдорж
2 weeks Ago

Дундговь аймгийн Сайнцагаан сумын Суман уулын дурсгалт газарт Монгол-Солонгосын судалгааны баг Хүннүгийн үеийн булш, дурсгалд малтлага хийж эртний олдвор илрүүллээ...