УИХ-ын чуулганы хуралдаанаар Засгийн газрыг огцруулах асуудлыг хэлэлцэж эхэллээ. Чуулганы хуралдаанд УИХ-ын 75 гишүүнээс 73 гишүүн оролцож байна. Харин УИХ-ын гишүүн Г.Мөнхцэцэг, Б.Батзориг нар гадаадад хувийн ажлаар яваа учир хуралдаан оролцох боломжгүй байгаа аж.
УИХ-ын дарга М.Энхболд Засгийн газрыг огцруулахыг дэмжиж гарын үсэг зурсан учраас өөрийгөө ашиг сонирхлын зөрчилтэй гэж үзээд чуулганы өнөөдрийн хуралдааныг удирдахаас татгалзлаа. Тиймээс УИХ-ын дэд дарга Л.Энх-Амгалан өнөөдрийн хуралдааныг даргалж байна. УИХ-ын гишүүн Д.Хаянхярваа нарын 27 гишүүний өргөн мэдүүлсэн Засгийн газрыг огцруулах тогтоолын төслийг УИХ-ын гишүүн Д.Лүндээжанцан танилцуулж байна.
+ There are no comments
Add yours