ХХААХҮЯ-ны нэр бүхий дөрвөн алба хаагчийг саатуулжээ

Арваннэгдүгээр сарын сарын 1-ний пүрэв гаригийн шөнө ХХААХҮЯ-ны нэр бүхий дөрвөн албан хаагчийг АТГ-аас  саатуулжээ. Учир нь тэднийг ЖДҮ-ийн сангаас албан тушаалаа урвуулан, хууль бусаар өөрт давуу байдал үүсгэн, их хэмжээний зээл авсан байж болзошгүй хэргээр саатуулсан байна.

Дээрх дөрвөн албан тушаалтныг баривчлан ШШГЕГ-ын харьяа Урьдчилан хорих 461-р ангид хорьжээ. Одоогоор тус албан тушаалтнуудыг мөрдөн шалгах ажиллагааг эхлүүлсэн байгаа аж.

Эх сурвалжийн мэдээлж буйгаар, АТГ-ын Мөрдөн шалгах хэлтсийн алба хаагчид дээрх яамны дөрвөөс дээш хүнийг баривчилсан нь үнэн. ХХААХҮ-ийн яамны Төрийн нарийн бичгийн даргын үүрэг гүйцэтгэгч Д.Энхбат, Жижиг дунд үйлдвэрлэлийг хөгжүүлэх сангийн захирал С.Төгсбилэг болон тус сангийн ерөнхий нягтлан, бичиг хэрэг зэрэг зарим албан тушаалтнуудыг саатуулан байгаа гэв.

Түүнчлэн ЖДҮХС-ийн захирал С.Төгсбилэгийг өнгөрсөн мягмар гарагт саатуулсан бол бусад албан тушаалтнуудыг өчигдөр саатуулсан мэдээлэл байна. Энэ талаар АТГ-аас тодруулахад “Одоогоор мэдээлэл ирээгүй” байна гэв.