Хөл бөмбөг тоглож байсан 11 настай хүү амиа алдсан хэрэг гарлаа

Хөл бөмбөг тоглож байгаад амиа алдсан золгүй хэрэг өчигдөр нийслэл хотод гарлаа.

Тодруулбал Баянзүрх дүүргийн 9-р хороонд байх ерөнхий боловсролын сургуулийн 79-р сургуулийн хашаанд хөл бөмбөг тоглож байсан 11 настай эрэгтэй хүүхэд хөл бөмбөгийн хаалганы хөндлөвч төмөрт дарагдаж харамсалтайгаар амиа алджээ.

Эл хэрэг өчигдөр орой 19 цагийн үед болсон бөгөөд цагдаагийн байгууллагад 19:20 цагийн үед дуудлага ирснээр бүрэлдэхүүн очиж шалгалтын ажиллагааг эхлүүлсэн байна. Тус хөлбөмбөгийн талбайн хаалга байнга л унадаг байсан бөгөөд хүүхдүүд унах үед нь босгож тавиад тоглодог байжээ.