Прокурор хар тамхины хэрэгт дахин холбогджээ

Түүнтэй хамт Улсын ерөнхий прокурорын дэргэдэх Мөрдөн байцаах албанд хамт ажилладаг байсан,  өмгөөлөгч мөн хамт саатуулагдсан байна.

 ЦЕГ-ын Хар тамхитай тэмцэх газрынхнаас энэ талаар тодруулахад, “Одоогоор хэргийн талаар ямар нэг мэдээлэл өгөх боломжгүй. Өнгөрсөн баасан гаригт мансууруулах бодис хууль бусаар олж авсан хүмүүсийг саатуулан шалгаж эхэлсэн” гэлээ. 

Өнгөрсөн оны нэгдүгээр сард Тээврийн прокурорын газрын хяналтын прокуророор ажиллаж байсан Х.Тамир, Тагнуулын ерөнхий газарт ажиллаж асан Б.Амарбаясгалан, хилээр хар тамхийг нь оруулж ирсэн Б.Сүхбаатар, Н.Мөнхбат, хээл хахууль өгч зам, тээврийн ослын хэргээ даруулсан Л.Жавхлан нарын таван хүнд холбогдох хэргийг Баянгол дүүргийн Эрүүгийн хэргийн анхан шатны шүүх хэлэлцсэн.

Тухайн үед Х.Тамирыг мансууруулах бодис хилээр оруулсан, борлуулах зорилгогүйгээр олж авсан үйлдлийг нь хэрэгсэхгүй болгож, албан үүрэгтээ хайнга хандсан, 15,8 сая төгрөгийн хахууль авсан гэм буруутайд тооцож байв. Гэвч давж заалдах шатны шүүх  хэргийг дахин хэлэлцүүлэхээр анхан шатны шүүх рүү буцааснаас хойш нэмэлт мөрдөн байцаалт хийлгэхээр болж, холбогдсон хүмүүсийг нь батлан даалтад гаргаад байсан юм.