БНСУ-ын Прокурорын газраас экс ерөнхийлөгч И Мён Бакыг авилга авсан хэмээн баривчилжээ

БНСУ-ын Прокурорын газраас экс ерөнхийлөгч И Мён Бакыг авилга авсан гэмт хэрэгт буруутган сэжигтнээр татан хориж байгаа билээ. Тэгвэл түүний эхнэр экс тэргүүн хатагтай Ким Юүн Уг болон хүү И Ши Хёныг уг хэрэгт буруутган шалгаж эхэлжээ. Экс тэргүүн хатагтай Ким Юүн Уг нь 2011 онд 1 тэрбум 200 сая воноор газар худалдаж авсан бөгөөд тэрээр энэ мөнгөний эх үүсвэрийг нотолж чадахгүй байгаа юм байна. Нэг тэрбум 200 сая вон нь монгол мөнгөөр 3 тэр бум 300 сая орчим төгрөг ажээ. Прокурорын газар нь энэхүү мөнгөний эх үүсвэр нь хувийн мөнгө биш бөгөөд тодорхой хэсэг нь нэгэн бизнес эрхлэгч зээлсэн бол үлдсэн хэсгийг улсын мөнгөнөөс хууль бусаар авсан байж болзошгүй хэмээн сэжиглэж байгаа юм байна. Тус газар нь экс тэргүүн хатагтай Ким Юүн Уг-ийг мэдүүлэг өгөхийг шаардсан боловч тэрээр татгалзсаар өнөөг хүрчээ.Мөн ерөнхийлөгч И Мён Бак нь төрийн тусгай хамгаалалтад зарцуулагдах ёстой улсын мөнгийг өөрийн хамгаалалтын албаны ажилтан болон түүний гэр бүлийнхнээр дамжуулан төрсөн хүүдээ өгдөг байжээ. Харин хүү нь мөнгийг өөр бусад хүмүүсийн дансаар дамжуулан авдаг байсан ба энэхүү мөнгөний багагүй хэсгээр Сөүл хотод газар худалдан авсан байх магадлалтай юм байна. Прокурорын газраас улсын мөнгөнөөс завшсан экс ерөнхийлөгчийн хүү И Ши Хён-д хэрэг үүсгэн шалгах магадлалтай болжээ.

Г.Дорж