Дагавар охиноо хүчирхийлсэн этгээдийг саатуулжээ

Дагавар охиноо хүчирхийлсэн этгээдийг саатуулжээ
 Таван настай охиныг хойд эцэг нь хүчиндсэн тухай мэдээлэл хоёр хоногийн өмнө буюу аравдугаар сарын 14-ний өдөр олон нийтийн сүлжээгээр тарснаар хүүхдийн болон хуулийн байгууллагууд охины нөхцөл байдал, эрүүл мэндэд анхаарч эхэлсэн юм. Одоогоор охины эрүүл мэнд ямар байгаа тухай Гэр бүл, хүүхэд, залуучуудын хөгжлийн газраас мэдээлэл өглөө.

Охиныг “Хүүхдийн тусламжийн 108” төв хамгаалалтад авсан байна. Мөн Эх хүүхдийн эрүүл мэндийн үндэсний төв болон Гэмтэл согог судлалын үндэсний төвд эрүүл мэндийн үзлэг, шинжилгээнд хамруулжээ. Үзлэгтэй холбоотой эмч нарын дүгнэлт хараахан гараагүй байгаа. Энэ хэрэг дээр хуулийн дагуу хорооны Засаг дарга, эмч, цагдаагийн бүрэлдэхүүнтэй хамтарсан баг ажиллаж байна. Харин охины ээж өнгөрсөн 7 дугаар сараас хойш сураггүй байгаа аж. Түүний ар гэрийнхэн нь самранд явсан гэж байгаа сүүлийн хоёр сарын хугацаанд ямар нэгэн сураг дуулдаагүй учир цагдаагийнхан эрэн сурвалжилж эхэлсэн гэдгийг мэдээллээ. Харин хойд эцэг гэх хүчирхийлэгч этгээдийг баривчлан саатуулжээ.

Г.Намуун

Leave a Reply

Your email address will not be published.

Б.Ганчимэг: Улстөрчид мэдээллийн компани байгуулж эхэлснээс хойш манай сэтгүүлзүйд маш их хор, хохирол учирсан

Б.Ганчимэг: Улстөрчид мэдээллийн компани байгуулж эхэлснээс хойш манай сэтгүүлзүйд маш их хор, хохирол учирсан

Өөрийгөө “социализмын үеийн тогтонги, хуучин сэтгүүлзүй төгсгөл болсны дараа гарч ирсэн шинэ сэтгүүлзүйн төлөөлөл” хэмээн тодорхойлоод дооглонгуй инээмсэглэсээр яриагаа эхлүүлсэн Б.Ганчимэг сэтгүүлчээс саяхан Сүхбаатарын одонгоор...