Наймаачид яагаад хуурай өлсгөлөн зарлах болов?

Наймаачид яагаад хуурай өлсгөлөн зарлах болов?

Хархорин худалдааны төв болон 32-ын тойрог орчимд  наймаа эрхэлдэг иргэд өнөөдөр “Хангарьд” ордны 14 давхарт жагсав. Учир нь нийслэлийн гудамж, талбайд гар дээрээс худалдаа эрхлэхийг хориглосон.

Энэхүү шийдвэрийг наймаачид эсэргүүцэж байгаа тул өнөөдөр уриа лоозон барин жагслаа. Тэд “улсдаа татвар төлнө. Харин том зах худалдааны төвүүдийг тэтгэж өндөр татвар төлмөөргүй байна’ гэх утга бүхий лоозон барьжээ.

Гар дээрээс худалдаа эрхэлдэг 12 иргэн өнгөрсөн долоо хоногийн даваа гаригаас эхлэн өлсгөлөн зарлажээ. Өлсгөлөн зарлаад 168 цаг болсон тул гурван хүний бие муудаж, есөн хүн үргэлжлүүлж байгааг жагсаалд оролцогчид хэлэв.

Мөн наймаачдын хүүхдийн зургийг олон нийтийн сүлжээнд тавьж, “нүдийг нь сохолно” хэмээн үл таних этгээд заналхийлсэн аж. Ямар хүн ийм үйлдэл хийснийг шалгуулахаар Цагдаагийн ерөнхий газрын Кибер аюулгүй байдлын хэлтэст ханджээ. Гэвч одоо хүртэл ямар нэг ахиц гараагүй байгаа аж. Ийнхүү сүрдүүлгэд автаж байгаа ч жагсаал, цуглаан, өлсгөлөнгөө зогсоохгүй, нийслэлийн удирдлагууд дорвитой хариу өгөхгүй бол цаашид хуурай өлсгөлөн зарлана гэж наймаачид ярьлаа.

Г.Намуун

Leave a Reply

Your email address will not be published.

Б.Ганчимэг: Улстөрчид мэдээллийн компани байгуулж эхэлснээс хойш манай сэтгүүлзүйд маш их хор, хохирол учирсан

Б.Ганчимэг: Улстөрчид мэдээллийн компани байгуулж эхэлснээс хойш манай сэтгүүлзүйд маш их хор, хохирол учирсан

Өөрийгөө “социализмын үеийн тогтонги, хуучин сэтгүүлзүй төгсгөл болсны дараа гарч ирсэн шинэ сэтгүүлзүйн төлөөлөл” хэмээн тодорхойлоод дооглонгуй инээмсэглэсээр яриагаа эхлүүлсэн Б.Ганчимэг сэтгүүлчээс саяхан Сүхбаатарын одонгоор...