Өнөөдрийн байдлаар 3698 га талбай түймэрт өртжээ

Өнөөдрийн байдлаар 3698 га талбай түймэрт өртжээ

Өнөөдрийн байдлаар Улаанбаатар болон Архангай, Булган, Сэлэнгэ, Дорнод, Сүхбаатар, Төв, Ховд аймгийн 14 сум, дүүрэгт 14 удаагийн ой, хээрийн гал түймэр гарч урьдчилсан байдлаар 13 га ой, 3685 га хээр, нийт 3698 га талбай түймэрт өртөөд байна.

Дээрх 14 удаагийн гал түймрийг унтраахад Онцгой байдлын байгууллагаас 128 албан хаагч, 14 автомашин, Хилийн цэргийн анги, байгууллагаас 29 албан хаагч, 4 автомашин, орон нутгаас 370 иргэн, 40 автомашин тус тус дайчлагдан нийт 527 хүн, 58 автомашин техник хэрэгсэлтэйгээр ажиллажээ.

Хаврын хуурайшилтын улирал эхэлж байгаатай холбогдуулан улсын хэмжээнд объектын болон ой хээрийн гал түймрийн аюулаас урьдчилан сэргийлэх ажилд төрийн болон төрийн бус байгууллага, иргэд, олон нийтийн оролцоо, хамтын ажиллагааг нэмэгдүүлэх зорилгоор Улсын Онцгой комиссын “Ой, хээрийн гал түймрээс урьдчилан сэргийлэх, тэмцэх зарим арга хэмжээний тухай” албан даалгавар гаргаж аймаг, нийслэлийн Засаг дарга нар, холбогдох яам агентлагын удирдлагуудад хүргүүлсэн байна.

Мөн “Ой, хээрийн гал түймэр унтраах багаж хэрэгслийн бэлэн байдал, ой, хээрийн гал түймэр унтраах бие бүрэлдэхүүний ур чадварыг дээшлүүлэх” нэгдсэн удирдамжит арга хэмжээг зохион байгуулан гарсан гал түймрийг хохирол багатай шуурхай унтраах ажлыг зохион байгуулан ажиллаж байна гэж ОБЕГ-аас мэдээллээ.

Leave a Reply

Your email address will not be published.