АН, МАХН, ШИНЭ нам нэгдэж, дөнгөж сая мэдээлэл хийлээ. Ингэхдээ орон нутгийн сонгуульд эдгээр намууд хамтарч оролцохоо мэдэгдэв.
Энэ талаар Нийслэлийн АН-ын даргын үүрэг гүйцэтгэгч Б.Пүрэвдаваа “Сонгууль эргэлзээтэй болсон. Мөн СЕХ-ны бүтцийн асуудал эргэлзээтэй байна. Бүтцээ байгуулахдаа зөвхөн АН, МАН-аас санал авч, бусад намаас аваагүй гэх мэт олон асуудал байна. Тиймээс АН, МАХН, ШИНЭ нам хамтарч ажиллахаар тунхаг бичиг байгуулж байна” гэв.
Ингээд сэтгүүлчдийн сонирхсон асуултад хариуллаа.
-Та бүхэн нэгдээд орон нутгийн сонгуульд оролцоно гэсэн үг үү?
-Сонгуулийн тухай хуулиар эвсэл байгуулах оройтсон. Тиймээс эвсэл байгуулах боломжгүй. Хамтарч оролцоно. Сонгууль шударга болоогүй. Тиймээс нэгдэж байна. Монголд ардчилал байхгүй болж байна. Ингэхдээ нэг тойрог дээр эрх барьж байгаа намаас нэг, сөрөг хүчин буюу хамтарч оролцож байгаа хүмүүсээс нэг л хүн байх сонголтыг ард түмэнд өгч байна.
www.zaluucom.mn
+ There are no comments
Add yours