Хятадын Мин улсын (1368-1644) үед бүтээгдсэн толь бичгийн маш ховорт тооцогддог хоёр ботийг Мягмар гарагт Парис хотод болсон дуудлага худалдааны үеэр анх төсөөлж байснаас 1,000 дахин өндөр үнээр буюу 8 сая еврогоор заржээ.

Юнлө Дадян гэгддэг нэвтэрхий толь бичгийг 1402-1424 онуудад төр барьж байсан Мин улсын гурав дахь хаан Юнлөгийн зарлигаар бүтээсэн юм.

1404-өөс 1408 онд толь бичгийг бүтээхэд 2,000 гаруй эрдэмтэн оролцсон гэдэг. Эх хувь нь 22,877 бүлэгтэй байсан Юнлө Дадян нь дэлхийн түүхэнд бүтээгдсэн хамгийн том толь бичиг юм.

Анхны эх нь олон удаагийн дайн самуун, хулгай дээрэм, гал түймэрт өртөж устсан гэгддэг. Харин 1562 онд Мин улсын 11 дэх хаан Жяжинь хоёр хувь хуулбарлуулсны ердөө 400 боть өнөөдрийг хүртэл бүрэн бүтэн хадгалагдаж үлдсэн байна. Энэ нь нийт толь бичгийн агуулгын 4 орчим хувь болдог.

Сая зарагдсан хоёр боть нь анхны эхээс буулгасан хуулбар ажээ.

Британийн номын санд толь бичгийн хуулбарын 24 боть буюу 49 бүлэг хадгалагддаг.

Дуудлага худалдааг зохион байгуулагчид дээрх ботиудыг 5,000-8,000 еврогийн үнэ хүрнэ гэж тооцоолж байсан ч нэрээ нууцалсан хүн 8 сая еврогоор худалдаж авжээ.

 

Эх сурвалж: CNN

Сэтгэгдэл үлдээх

Leave a Reply

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.