“Залуучуудын гарааны бизнесийг дэмжих хөтөлбөр”-ийн хүрээнд Start-up арга хэмжээ боллоо

Хан-Уул дүүргийн залуучуудын дунд гарааны бизнесийг хөгжүүлэх, бизнесийн экосистемийг төлөвшүүлэх, шинэлэг, ирээдүйтэй, инновацлаг гарааны бизнесүүдийг төрүүлэн гаргах, дэмжих, гарааны бизнес эрхлэх мэдлэг чадвартай, сэтгэхүйтэй болгох, гарааны бизнесийг дэмжих зорилгоор “Залуучуудын гарааны бизнесийг дэмжих хөтөлбөр”-ийн хүрээнд START-UP арга хэмжээг 15-34 насны 46 залуусын дунд /2020.06/ сарын 26-28 хооронд “Шинэ Эхлэх Цэг ТББ”-тай хамтран зохион байгууллаа.

Нийт 21 багийн 21 шинэ санаа энтрепренершипийг бүртгэн оролцуулснаас 17 багад сонгон шалгаруулалт хийж хөгжүүлэлтийг дэмжих дараагийн арга хэмжээ хурдасгуур хөтөлбөрт 8 багийг сонгон шалгаруулж хөгжүүлэхээр боллоо.

1. Арагонт (Арьсан гутал, эдлэл үйлдвэрлэл) багийн ахлагч: Удвал

2. ART Innovation (Эрүүл амин дэмтэй нохойн хоолны бүтээгдэхүүн үйлдвэрлэл) багийн ахлагч: Уранбилэг

3. Чинрон (Косплэй контент боловсруулан түүгээрээ маркетингийн контент боловсруулах төсөл) багийн ахлагч: Л.Чин-зориг

4. Оюунлаг ( Хүүхдүүдэд зориулсан оюун ухааны тоглоом) багийн ахлагч: Г.Номин-чулуун

5. More brand (20-30 -аад насны эмэгтэйчүүдэд зориулагдсан хувцасны бренд) багийн ахлагч: Г.Дарамсэнгэ

6. Даага хүргэлт (Алслагдсан дүүргийн хүргэлтийн үйлчилгээ ) багийн ахлагч: Г.Амарболд

7. Тусгай хэрэгцээт (Тусгай хэрэгцээт бүтээгдэхүүн оёж, нийлүүлэх) багийн ахлагч: П.Чанцалдулам

8. Хог хаягдлаас ангижиръя (Хоёрдогч түүхий эд авах цэг.) багийн ахлагч: Н.Ган-Очир

Мөн шүүгчдийн саналаар хамгийн залуу оролцогчийг тодруулсан бөгөөд Diamond (Эко бэйкэри) багийн ахлагч: А.Дэлгэр-цэцэг /15 настай/-ийг Худалдаа үйлдвэрлэлийн их сургуульд 4 жилийн турш 50%-ийн хөнгөлөлттэй үнээр суралцах эрхийг ХҮИС -ийн захирал М.Должин гардууллаа.