Д.Нанжид: Эрдэнэтийн 49 хувиас 10 хувийг л ард түмэнд олгохыг эсэргүүцэж байна


Warning: Undefined variable $commentcount in /home/admin/web/murch.mn/public_html/wp-content/plugins/facebook-comment-by-vivacity/user-file.php on line 121

“Тусгаар тогтнол хөдөлгөөн”, “Эрс шинэчлэл хөдөлгөөн”, “Шударга иргэдийн фронт”, “Үндэсний хас хөдөлгөөн” ТББ-аас цаг үеийн асуудлаар өнөөдөр мэдээлэл хийлээ.

Шударга иргэдийн фронтын тэргүүн Г.Арслан “1976 онд ОХУ-ын тусламжтайгаар Эрдэнэтийн уулын баяжуулах үйлдвэр ашиглалтад орсон. Өнөөдрийг хүртэл 42 жилийн турш Эрдэнэт Монголын ганц саалийн үнээ болсон​. 49 хувийг ямар ч байсан Монгол Улс авлаа.

Эрдэнэт өөрөө Монголын ард түмний өмч байсан юм. Эрдэнэтийн 49 хувийн 10 хувийг ард түмэнд тараана. Үлдсэн 39 хувийг яах гээд байна вэ? 39 хувийг Хөрөнгийн биржээр дамжуулж зарна гэж байгаа. Тэрийг нөгөө хэдэн луйварчид авна. Жирийн ард түмэнд тэр хувьцааг авах мөнгө байхгүй. Үүнийг бид хүлээн зөвшөөрч чадахгүй. Бид эсэргүүцэж байна” гэв.

Эрс шинэчлэлт хөдөлгөөний ерөнхий зохицуулагч Д.Энхбат “Монголын ард иргэд Үндсэн хуульд заасан байгалын баялаг гагцхүү ард түмний мэдэлд байна гэх заалтыг Эрдэнэтийн хувиар эхлүүлэх нь зөв гэж иргэний нийгэмлэгүүд үзэж байгаа.

Засгийн газрын шийдвэр засаг солигдохоор тухайн үеийн сайдаас хамаарч аливаа асуудлыг шийддэг байж болохгүй. Нэг л шийдсэн бол хийх хэрэгтэй” гэлээ.

“Үндэсний хас хөдөлгөөний тэргүүн Д.Нанжид “Өнгөрсөн оны дөрөвдүгээр сарын 4-нд Эрдэнэтийн 49 хувийг бүх ард түмэндээ хувьцаа хэлбэрээр олгоно гэсэн Засгийн газрын тогтоол гарсан байгаа. Бид энэ тогтоолоо хэрэгжүүлэхийг Засгийн газраас шаардаж байгаа. Монгол Улсын Ерөнхий сайд У.Хүрэлсүх сайд болохдоо УИХ-ын индэрээс “шударга ёсыг тогтоохын төлөө би үхлээс ч айхгүй” гэж хэлж байсан. Гэтэл удаагүй байхад энэ ажлыг дахиад л буруу зам руу оруулчихлаа.

Саяхан Засгийн газрын хуралдаанаар энэ асуудлыг шийдээд 49 хувийг авахаар болсонд сонгогчид бид баяртай байгаа. Гэвч ард иргэддээ 10 хувийг л олгоно гэсэн. Үүнийг бид эсэргүүцэж байгаа. Шударга байх гэж байгаа бол шударга л бай. Ер нь төрөөр дамжсан бүх ажил худлаа болдог” гэлээ.

Сэтгэгдэл үлдээх

Leave a comment

Your email address will not be published.

Confirm that you are not a bot - select a man with raised hand:

This site uses Akismet to reduce spam. Learn how your comment data is processed.