“The MongolZ” ашиг орлогоороо дэлхийд 5-д бичигдэж байна

Цахим спортын “CS2” төрлийн “The MongolZ” баг хэдийнэ дэлхий нийтийн анхаарлыг татаж, дан ганц монголчууд гэлтгүй олон улсад ч үзэгч фэнүүдтэй болж, цар хүрээгээ тэлсэн билээ. Тэдний сүүлийн үед үзүүлж буй тоглолтууд, амжилтууд маргаангүй гайхалтай байгаа. Үүнийхээ хэрээр ч ашиг орлого нь нэмэгдэж, дэлхийн баян багуудын тоонд орж эхэлжээ.

Оросын “НАШ КС” телеграмын сувгийн тооцоолсноор “The MongolZ” баг 2024 онд 330,847 ам.долларын шагналыг хүртжээ. Тэдний хувьд энэ он гарснаар дараах амжилтуудыг үзүүлж, шагнал хүртжээ. Тухайлбал,

• eXTREMESLAND 2023: Түрүүлж 25 мянган ам.доллар
• PGL Мajor Copenhagen 2024: 15-16 дугаар байрт орж 20 мянган ам.доллар
• ESL Pro League Season 19: 9-12 дугаар байрт орж 23.5 мянган ам.доллар
• MESA Nomadic Masters Spring 2019: Түрүүлж 50 мянган ам.доллар
• YaLLa Compass 2024: Түрүүлж 200 мянган ам.доллар

“The MongolZ” 2024 онд олсон орлогоороо “CS2”-ийн багууд дундаа дэлхийд тавдугаарт жагсч байна. Тэдний дээр Оросын “Spirit” баг 790 мянган ам.доллар, Украины “NaVi” 660 мянган ам.доллар, Германы “MOUZ” 642 мянган ам.доллар, АНУ-ын “FaZe” 534.5 мянган ам.доллар хүртсэн амжилтаараа тус тус бичигджээ.

Та бүхэндээ дэлгэрэнгүй жагсаалтыг хүргэе. Энэ зөвхөн шагналын мөнгөн дүн гэдгийг санаарай. Үүнээс гадна ивээн тэтгэгч, зар сурталчилгааны ашиг, Мэйжорын “Sticker”-ийн орлого зэрэг бий. “HLTV”-ийн мэдээлснээр Мэйжорын “Legends” шатанд шалгарсан багууд 1.75 сая ам.долларыг “Sticker”-ийн орлогоос хүртдэг гэнэ.

Тэгэхээр “The MongolZ”-ийн залуус энэ оны эхний Мэйжороос дор хаяж 1.8 сая ам.долларыг ашиг олсон гэсэн үг. Ерөнхийдөө хоёр сая ам.долларын орлогыг 2024 онд олоод байна.

1. Spirit – 790,000$
2. NAVI -660,000$
3. MOUZ -642,000$
4. FaZe – 534,500$
5. MongolZ – 330,847$
6. Eternal Fire -326,000$
7. G2 – 294,000$
8. Vitality – 274,000$
9. Aurora – 199,500$
10. Astralis – 178,000$
11. Falcons -175,500$
12. Pain – 165,500$
13. Liquid – 163,500$
14. Nemiga – 163,064$
15. Complexity – 153,000$
16. Imperial – 152,500$
17. BetBoom – 139,665$
18. Heroic – 137,500$
19. Eclot – 134,078$
20. Virtus Pro – 134,000$
21. BLEED – 123,032$
22. Gamerlegion – 112,000$
23. ENCE – 110,500$
24. MIBR -101,000$
25. OG – 98,500$
26. Monte – 91,356$
27. BIG – 91,000$
28. Furia – 84,500$
29. Cloud9 – 76,000$
30. B8 – 73,000$