АНУ-ын цагаачлалын бус визийн шинэ журам хэрэгжиж эхлэн

Америкийн нэгдсэн улсын цагаачлалын бус визийн шинэ журам маргааш /2024.06.01/ хэрэгжиж эхлэх талаар монгол дахь Америкийн элчин сайдын яамнаас мэдээллээ. Мөн тус улс руу цагаачлалын бус DS-160 визийн маягтын бар кодын дугаар таны цаг товлох профайл дээр оруулсан бар кодын дугаартай ижил байх ёстой. Мэдээлэл зөрүүтэй тохиолдолд ярилцлагын товлосон цаг тань цуцлагдаж, та дахин цаг товлох шаардлагатайг анхааруулжээ.
Дээрх асуудлаас сэргийлэхийн тулд виз мэдүүлэгч хамгийн багадаа долоо хоногийн өмнө бүртгэлээ хийх шаардлагатай.
Виз мэдүүлэх иргэд эхлээд https://portal.ustraveldocs.com/?language=English… цахим хаяг руу нэвтрэнэ. Хоёрдугаарт, профайл дээрх баркодын дугаараа DS-160 маягтын баркодын дугаартай ижил болгон шинэчлэх. Гуравдугаарт, хэрэв танд тусламж хэрэгтэй бол манай харилцагчийн үйлчилгээний 7555-1100 дугаар болон support-mongolia@ustraveldocs.com цахим шуудангаар холбоо барих боломжтой байна.