Найрамдал зуслангийн 2, 4 дүгээр ээлжийн захиалга авах цаг өөрчлөгдлөө

Олон улсын хүүхдийн “Найрамдал” цогцолбор 2024 оны захиалгаа авч эхэлсэн. Эхний ээлжийн захиалга өнгөрсөн даваа гарагт нээгдэж, бүртгэл явагдаж дууссан. Тэгвэл хоёрдугаар ээлжийн захиалга энэ сарын 15-нд буюу өнөөдөр 11.00 цагт, 4 дүгээр ээлжийн захиалга энэ сарын 15-нд буюу өнөөдөр 14.00 цагт nairamdal.mn хаягаар нээгдэх байсан ч өөрчлөлт оржээ.

Энэ талаар Найрамдал зуслангийн захиргаанаас “Найрамдал цогцолборын nairamdal.mn вэб сайтад гадны нөлөөтэй саатал гарсан. Засварын ажил үргэлжилж байгаа тул зуны ээлжүүдийн /2-оос 4-р ээлж/ захиалга авах өдөр, цаг өөрчлөгдөж байна. Бид захиалга эхлэх цагаас 24 цагийн өмнө тухайн ээлжийн захиалгын товыг мэдээлэх болно.

Бид гадны нөлөөллийн эсрэг яаралтай хариу арга хэмжээ авч ажиллаж байна. Эрхэм та бүхэндээ чирэгдэл учруулсандаа хүлцэл өчье” гэжээ.

Улмаар хоёрдугаар ээлжийн захиалга маргааш буюу энэ сарын 16-ны 11.00 цагт нээгдэхээр болжээ. Уг ээлжид 7-12 насны хүүхдүүд хамрагдах бөгөөд төлбөр 476.500 төгрөг байх аж