“Хятад компаниудад нүүрс тээврийн давуу эрх олгосноос болж 2200 жолооч ажилгүй болох эрсдэл үүссэн”

Монгол туургатан ачаа тээвэрчдийн нэгдсэн холбоо ТББ-аас өнөөдөр хэвлэлийн бага хурал хийлээ.

Монгол туургатан ачаа тээвэрчдийн нэгдсэн холбоо ТББ-ын гишүүд” Уг хурлыг зохион байгуулж буй нь Засгийн газрын 2022 оны 362 дугаар тогтоолтой холбоотой юм.

Энэхүү тогтоол батлагдсанаар одоогоор нүүрс тээвэр хийж буй 22000 мянган жолооч, 6000 туслах ажилтан, 300 гаруй аж ахуйн нэгж ажилгүй болох эрсдэл үүслээ. Энэхүү тогтоолын дагуу тендерийн зарчмаар нүүрс тээвэр явна гэсэн үг. Монголын тээврийн компаниуд энэ тендерт оролцох боломжгүй нөхцөл байдал үүсээд байна.

Нүүрс худалдан авагч компаниудын тээврийн салбар нь орж ирж, монополь байдал үүсгэх эрсдэл тулгараад байна. Маш олон тээврийн хэрэгсэлтэй Монголын ганц, хоёр компани болон БНХАУ-ын компаниуд л оролцох боломжтой. Цөөн машинтай жолоочид тээвэр хийх боломжгүйд хүрээд байна. Бид засгийн газрыг эдийн засгийн хямралыг даван туулах сорилттой тулгарч байгааг ойлгож дэмжиж байгаа. Гэхдээ ажилгүй иргэдийн эгнээ 22000 мянгаар нэмэгдэж хэвийн үйл ажиллагаа нь доголдож хаалгаа барих ХХК 300-д хүрэхээр байна.

Улмаар банк болон банк бус санхүүгийн байгууллагууд ч эрсдэлд орохоор байна. Энэ бүх эрсдлийг хааж гашуун сухайт боомтын нүүрс тээврийн үйл ажиллагааг оновчтой зохион байгуулах ажлын хэсгийг тээврийн компаниудыг оролцуулан байгуулж хамтарч шийдвэрлэхийг хүсье” гэв.